PM:03:15:21/08/2025
204 جار خوێندراوەتەوە
+
-
وەزیرێ ساخلەمیا هەرێمێ د کۆنگرەیەکێ رۆژنامەوانی دا گوت، هەر دەرمانەکێ
وەلاتی دکرن ل هەر جهەکی ئەگەر ستێکەرێ حکومەتێ پێڤەنەبوو ئەو قاچاغە، داخازی ژ
وەلاتیان دکەت وان دەرمانان نەکرن کو ژ رێکا ئۆنلاینێ ریکلام بۆ دهێنە کرن.
ئەڤرۆ پێنجشەمبی، سامان بەرزنجی، وەزیرێ ساخلەمیا هەرێمێ د کۆنگرەیەکێ
رۆژنامەوانی دا، دەربارەی دەست بسەرداگرتنا ژمارەیەکا زۆر ژ دەرمانێن دەم
بسەرڤەچووی د هەیامێن دەربازبووی دا ل سنورێ سۆران و چۆمان، گوت، هەر دەرمانەکێ
دکرن ل هەر جهەکی دکرن ستیکەرێ حکومەتێ پێڤەنەبیت ئەو دەرمانە قاچاغە.
گوت ژی، داخازێ ژ وەلاتیان دکەم وان دەرمانان نەکرن کو ب رێکێن ئۆنلاین
ریکلامان بۆ دکەن.
بەحسا وێژی کر، دەرزیین دژی ژەهرێ، مار و دووپشک و سە، دەرزیێن وان هەنە لێ
ناهێنە دان ب بنکەیێن ساخلەمیێ چونکی نابیت د وان بنکەیان دا دەرزیێن ڤاکسینێ
هەبن، ل دەمێ پێڤەدانان وان ژەهران پیتڤیە سەرەدانا نەخۆشخانەیان بکەن و دەرزیێ ب
ئاسایی وەرنەگرن، لێ بنکەیێن ساخلەمیێ دەرزیان بکاردئینن بۆ وەرگرتنا چارەسەرێ.
دەربارەی خۆبەخشێن کەرتێ ساخلەمیێ ئاماژە ب وێیەکێ کر، ئاریشەیا میلاکان
هەیە و د دەستپێکا ئەڤ سالە دا نێزیکی سێ هزار فەرمانبەر بووینە میلاک و کورت ئینان.