AM:11:16:20/08/2025
1988 جار خوێندراوەتەوە
+
-
پشتی گەفێن نەوەی نوێ بۆ خۆنیشاندان سەرانسەری، لدویف ژێدەرەک فەرمی،
حکومەتا دەم بسەرڤەچووی رازیبوویە پەتڕۆل و ١٢٠ ملیارێن داهاتێ ناڤخۆ رادەستی
بەغدا بکەت و بڕیارە د رۆژێ داهاتی دا رێکارێن خەجکرنا مووچەیی دی دەسپێکەت.
ئەڤرۆ چارشەمبی، حکومەتا عێراقێ ب مەرجێ تەوتینا مووچەی و هنارتنا پەتڕۆلا
هەرێمێ بڕیارا خەرجکرنا مووچەیێ هەیڤا شەش هاتەدان، ئەڤە ژی ب چەند مەرجەکان و
دبێژیت، پێتڤیە هەرێم بزویترین دەم ١٢٠ ملیاران ژ داهاتێ ناڤخۆ رادەست بکەت و
هنارتنا پەتڕۆلێ دەستپێبکەت.
هەروەسا پشتی گەفێن نەوەی نوێ بۆ خۆنیشاندانا سەرانسەری، لدویف ژێدەرەکێ
فەرمی، حکومەتا دەم بسەرڤەچووی رازیبوویە کو پەتڕۆل و ١٢٠ ملیاران رادەستی بەغدا
بکەت، ژێدەرەک ژ کۆمبوونا دوهی یا جڤاتا وەزیرێن عێراقێ بۆ ئێن ئاڕ تی راگەهاند،
پیتڤیە هەرێم د چەند رۆژێن داهاتی دا ١٢٠ ملیار دینارێن ناڤخۆ رادەست بکەت و
هەڤدەم هنارتنا پەتڕۆلێ ژی دەستپیبکەت، خەرجکرنا مووچەیی هەیڤێن دی ژی گرێدای یە ب
پێگیربوونا هەرێمی ب رێککەفتنێ.
ل دویف راگەهاندنێ جڤاتا وەزیرێن عێراقێ، پێتڤیە هەرێم کۆمپانیێن پەترۆلێ
پێگیر بکەت ب رادەستکرنا پەتڕۆلێ بۆ سۆمۆ، هەروەسا د حەفتیەکێ دا لژنەیا تایبەت بۆ
تەوتینا مووچەیان کارێن خۆ تەمام بکەت و رابۆژتا دوماهێی ئاراستەی جڤاتا وەزیرێن
عێراقێ بکەت.
لدویف زانیاریان ئەگەر هەرێم تا سێشەمبیا
حەفتیا داهاتی وان مەرجان بجهـ بینیت، دێ حکومەتا عێراقێ پارەیێ مووچەیی هنێریت
ئەڤە د دەمەکێ دایە، بەری نوکە حکومەتا دەم
بسەرڤەچووی گوتبوو،١٢٠ ملیار دینار بۆ هەیڤا شەش بەرهەڤن لێ تا نوکە نەهاتینە
رادەستکرن