AM:11:22:18/08/2025
2396 جار خوێندراوەتەوە
+
-
سوباهی کۆمبوونا جڤاتا
وەزیرێن عێراقێ دێ هێتە کرن و تا نها ژی حکومەتا دەم بسەرڤەچووی پێگیر نەبوویە ب
رێکەفتنا دگەل بەغدایێ و داهاتێ نافخۆ رادەست نەکریە هەتا حکومەتا عێراقێ بریارێ ل
سەر مووچەی بدەت، ب ژڤانە دوو شاندێن دی فرێکەنە بەغدا.
ئەڤرۆ دووشەمبی، حکومەتا
دەم بسەرڤەچووی ب بریارا مەسرور بارزانی، سەرۆكێ حکومەتا دەم بسەرڤەچووی و قوباد
تالەبانی، جێگرێ حکومەتا دەم بسەرڤەچووی، رێکەفتن دگەل بەغدا راوەستاندیە و داهات
و پەترۆلێ رادەست ناکەت، و ب ژڤانە شاندەکێ بهنێریتە بەغدا و دڤێت ب مەرجێ ١٢٠
ملیاران رادەست بکەت.
ژێدەرەکی بۆ ئێن ئاڕ تی
گوت، حکومەتا دەم بسەرڤەچووی ب ژڤانە دوو شاندان بۆ ئاخفتنێ ل سەر مووچەیێ هەیڤا
شەش و حەفت بهنێریت بۆ بەغدا و عێڕاقێ رازی بکەن بۆ هەیڤا حەفت بڕەکا کێمتر داهاتێ
نافخۆ رادەست بکەن، پشترا ١٢٠ ملیارێن هەیڤا شەش رادەست بکەن، ئەڤەژی کریە مەرج.
ئەوا پەیوەندی ب پەترۆلێ
ڤە هەیە، ژێدەرەکی ژ سۆمۆ گوت، ئێک هەیڤە چاڤەرێ هەرێمێ نە کو پەترۆلێ رادەست بکەن
لێ تا نها چ پەترۆلەک رادەست نەکریە و نویترین هێجەتا وان ژی ئەڤەیە پەترۆلێ ددەنە
کۆمپانیان ل هەمبەری تێچوویا کارکرنێ.
ژبەر هندێ حکومەتا دەم
بسەرڤەچووی ژ وێ لیژنەیێ هاتیە ڤەکێشان بۆ بجهئینانا رێکەفتنا مووچەی هاتبوو
پێکئینان و بەرهەڤ نیە مامەلێ دگەل دیوانا چآڤدێریا دارایا عێراقێ دا بکەت و رێکێ
نادەن چاڤدێریا داهاتێ نافخۆ بکەن.