دوماهیک ئامارێن کومسیۆنی بۆ رێژەیا دەنگدەران ل هەلبژارتنا پەرلەمانێ عێراقێ

PM:11:57:17/08/2025

772 جار خوێندراوەتەوە

+ -

پەیڤدارێ کۆمسیۆنا هەلبژارتنێن عێراقێ بۆ ئێن ئاڕ تی گوت، ل هەرێما کوردستانێ سێ ملیۆن و ٨٨٣ هزار و ٥٠١ کەس مافێ دەنگدانێ هەیە و ل وێ ژمارەیی سێ ملیۆن و ٧٠ هزار و ٨٣٩ کەسان کارتا بایۆمەتری دەرئینایە، دبێژیت ژی، ١٤٥ هزار و ٦١٧ دەنگدەر بۆ ئێکەمجار کارتا بایۆمەتری دەرئینایە کو هەشت هزار و ٨٩٨ کەسان ئەون کو ل سالا ٢٠٠٧ ژ دایک بووین.

ئەڤرۆ ئێکشەمبی، جومانە غەلای، پەیڤدارێ کۆمسیۆنا بلندا هەلبژارتنێن عێراقێ د داخویانیەکێ بۆ ئێن ئاڕ تی گوت، ئامارێن هەلبژارتنا بۆ خولا شەشێ یا پەرلەمانێ عێراقێ راگەهاند و کو تایبەتە ب ژمارا وان کەسان کو پشکداریێ د هەلبژارتنان دکەن و کارتێن بایۆمەتری هەین و لدویف وێ ئامارێ سێ ملیۆن و ٨٨٣ هزار و ٥٠١ کەسان ل هەرێمێ مافێ دەنگدانێ هەیە.

لدویف دوماهیک ئامارا سەرژمێریا عێراقێ ژمارا ئاکنجیێن هەرێما کوردستانێ، شەش ملیۆن و ٣٧٠ هزار و ٦٦٨ کەسن ل وێ ژمارەیێ سێ ملیۆن و ٨٨٣ هزار و ٥٠١ کەسان ل هەرێمێ مافێ دەنگدانێ هەیە و ژمارا وان کەسان کو کارتا بایۆمەتری هەین سی ملیۆن و ٧٠ هزار و ٨٣٩ کەسن.

ل سنوری پارێزگەها هەولێرێ:

یەک ملیۆن و ٤١٠ هزار و ١١٢ کەسان مافێ دەنگدانێ هەی و ل وێ ژمارەیێ ٨٨ هزار و ٦٠١ کەسان کارتا بایۆمەتری هەیە و ٣٢١ هزار و ٥١١ کەسان کارتا بایۆمەتری دەرئینایە.

پارێزگەها سلێمانیێ:

ئێک ملیۆن و ٥٣٢ هزار کەسان مافێ دەنگدانێ هەیە و لو وێ ژمارەیێ ئێک ملیۆن و ٢٠٢ هزار و ٥٠٢ کەسان کارتا بایۆمەتری دەرئینایە.

پارێزگەها دهۆکێ:

٩٤٠ هزار و ٤٩٦ کەسان مافێ دەنگدانێ هەیە و ل وێ ژمارەیێ ٧٧٩ هزار و ٧٣٧ کەسان کارتا بایۆ مەتری دەرئینایە و ١٦٠ هزار و ٧٦٠ کەس نەشێن پشکداریێ د هەلبژارتنان دا بکەن.

ژمارە دەنگدەرێن نوی:

لدویف ئاخفتنێن جومانە غەلای، ١٤٥ هزار و ٦٢٧ دەنگدەر ل هەرێمێ کارتا بایۆمەتری دەرئینایە، ل سنورێ هەولێرێ ٦٢ هزار و ٥٢٧ کەسان کو دکەتە ٤.٤٣٥ و ل سلێمانیێ ژی ٤٦ هزار و ٥٨٦ کەسان کو دکەتە ٣.٨٨٪ و ل دهۆکێ ٣٦ هزار و ٥٠٤ کەسان بۆ ئێکەم جار کارتا بایۆمەتری دەرئینایە کو دکەتە ٣٪ـێ.

ئاماژە ب وێیەکێ ژی کر، هەشت هزار و ٨٩٨ کەسان کو ل سالا ٢٠٠٧ ژ دایکبووین کارتا بایۆمەتری دەرئینایە.

ل سنورێ هەولێرێ سێ هزار و ٥٥٠ کەسان کارتا بایۆمەتری دەرئینایە.

ل سنورێ سلێمانیی دوو هزار و ٦٣٢ کەسان کارتا بایۆمەتری دەرئینایە.

ل دهۆکێ دوو هزار و ٧١٦ کەسان کارتا بایۆمەتری دەرئینایە.

ئەڤەژی د دەمەکی دایە ١٠ـێ تشرینا ئێکێ یا ئەڤسالە هاتیە دیاریکرن بۆ هەلبژارتنا عێراقێ.

جومانە غەلای بۆ ئێن ئاڕ تی، ئەو ئامارێن ٤ـێ ئابێ هویرکاری تێدا هاتبوو کرن، لێ دوماهیک ئامار تۆمارکرنا دەنگدەرانە ل ٣٠ـیێ حوزەیرانێ هاتیە گرتن و لیستا دەنگدەران قۆناغا پەسەند کرنێ مایە و ژ لایێ جڤاتا کۆمسیارانە.