PM:09:03:17/08/2025
180 جار خوێندراوەتەوە
+
-
سەرۆکا فراکسیۆنا نوەی
نوێ ل پەرلەمانێ عێراقێ د بەرنامەیێ تاوتوێ یێ ئێن ئاڕ تی دا راگەهاند،
درستەسەرکرنا شاسوار عەبدولواحید بریارەکا تەمام سیاسی یە و دبێژیت، بۆ چارەسەرکرنا
ئاریشەیا مووچەی هەرێمێ دەرگەهـ ب روویێ بەغدا داخستینە و نەڤێت پەترۆل و داهاتێ
نافخۆ رادەست بکەن.
ئەڤرۆ ئێکشەمبی، سروە
عەبدولواحید، سەرۆکا فراکسیۆنا نەوەی نوێ ل پەرلەمانێ عێراقێ د بەرنامەیێ تاوتوێ
یێ ئێن ئاڕ تی دا راگەهاند، ب دەها گەندەلان و تۆهمەتبار هەنە بۆچی ناهێنە دادگەهـ
وان دەستەسەر ناکەت و بۆچی کەس ل سەر دزینا مووچەیێ فەرمانبەران ناهێتە دادگەهی
کرن.
ئاماژە ب وێیەکی ژی کر،
ئێک ژ سکالایان ل سەر وێیە کو شاسوار عەبدولواحید پۆستەرێن بەربژێران دراندینە و
ئێک ژ سکالایێن دی ژی ل سەر پشتەڤانیکرنا خۆپیشاندەران ل خۆپیشادانا ٢٠٢٠ـێ ل کەلار.
ئەو یەک ژی دا دیارکرن،
شاسوار عەبدولواحید ژبەر هندێ زڤری دا پارتی و یەکێتی بزانن کو ژ وان ناترسیت و
چەوا ژ دەرڤە بێ منەت بوو وەسا ژی د زینداێ ڤە بێ منەتە.
دبێژیت ژی، نەوەی نوێ
بریار دایە دژی نەهاتنا مووچەی دگەل لایێن دەرڤەی پارتی و یەکێتی خۆپیشاندانێ بکەت
و چاڤەرێ بەرسڤا لایێن دەرڤەی پارتی و یەکێتی نە بۆ ئەنجامدانا خۆپیشاندانا
سەرتاسەری و ئەگەر لایێن دیب لدویف داخازیا وان نەهێن دێ هەلویستێن دی هەبن.
گوت ژی، ئەم دێ شاسوار عەبدولواحید بین و دێ بەردەوام بین ل دژی
زولم و زۆرداریێ و سیاسەتا نەوەی نوێ روون و ئاشکرایە و بێ شاسوار عەبدولواحید هەر
ل سەر وێ رێکێ دێ یا بەردەوام بیتن.
بەحسا وێژی کر، بۆ
چارەسەرکرنا ئاریشەیا مووچەی هەرێمێ دەرگەهـ ب روویێ بەغدا دائێخستە و نەڤێت
داهاتێ نافخۆ و پەترۆلێ رادەست بکەت و مە داخاز ل بەغدا کریە سزایێ کۆمپانیێن
پارتی و یەکێتی بدەت و هەڤبەستێن وان هەلبوەشینیت.