PM:04:21:17/08/2025
160 جار خوێندراوەتەوە
+
-
کارڤەدانێن دەستەسەرکرنا
سەرۆکێ ڤەلڤینا نەوەی نوێ ل سەر ئاستێ دەڤەرێ و جیهانێ دبەردەوامن و دبێژن،
دەستەسەرکرنا شاسوار عەبدولواحید هەڤدەمە دگەل نیزیکبوونا هەلبژارتنان و هایداریا حکومەتێ
دەربارەی دابەشنەکرنا مووچەی.
ئەڤرۆ ئێکشەمبی، نێزیکی
پێنج رۆژ ب سەر دەستەسەرکرنا شاسوار عەبدولواحید دەرباز دبن، سەرۆکێ ڤەلڤینا نەوەی
نوی، کارڤەدانێن نافخۆ و دەرەکی د بەردەوامن، رۆژناما زە نیو عەرەب دبێژیت، دەستەسەرکرنا شاسوار عەبدولواحید
هاندانێن سیاسی ل پشتە ژبەرکو دەمەکێ گرنگە و نێزیکی هەلبژارتنا یە.
هەروەسا، رۆژاناما زە
ناشنال کۆن تێکست بەحسا وێیەکی دکەت، شاسوار عەبدولواحید پێش هەلبژارتنان
دەستەسەرکریە و دبێژیت، سەرۆکێ ڤەلڤینا نەوەی نوێ پێش دەستەسەرکرنێ هایداری دابوو
ئەگەر مووچە نەهێتە دابەشکرن دێ هەلویستێن جددی هەبن.
هەڤدەم زە ئینسایت ئینتەر
ناشنال دبێژیت، شاسوار عەبدولواحید ژ لایێ هێزەکا ئەولەهیا یەکێتی هاتیە
دەستەسەرکرن، سەرۆکێ ڤەلڤینێ د هەیامەکا کێم شیا ببیتە سەرۆکی مەزنترین ئۆپۆزسیۆن.
سایتێ سپەیس وۆریش گوت،
داخازیا پارێزەرێ سەرۆکێ ڤەلڤینا نەوەی نوێ نەهاتیە ب جهئینان کو ب کەفالەت بهێتە
ئازاد کرن، دبێژیت ژی، دادگەها وی هەتا ٢١ ـێ هەیڤێ درێژ کریە.
مالپەرێ ئەلعەرەبیە
ئینگلیش دبێژیت، شاسوار عەبدولواحید چەند جاران هاتیە دەسەسەرکرن و بزاڤێن تیرۆر
کرنا وی هاتیە کرن.
ئەڤەژی د دەمەکی دایە، ل
درەنگیێن شەڤا سێشەمبیا دەربازبووی هێزەکا یەکێتی بێ هایداری چووینە سەر مالا شاسوار
عەبدولواحید و دەستەسەرکر.