PM:11:10:16/08/2025
144 جار خوێندراوەتەوە
+
-
هەریەک ژ سەرۆکێ ئەمریکا
و سەرۆکێ روسیا پشتی کۆمبوونا دوهی ل ئالاسکا هویرکاریێن رێکەفتنامێ ئاشکراکرن و
دبێژن ژی، ئاگربەست ئاریشەیا ئۆکرانیا چارەسەر ناکەت و پێتڤیە ئاشتیا هەمیشەیی
بهێتە راگەهاندن.
ئەڤرۆ شەمبی، دۆنالد
ترەمپ، سەرۆکێ ئەمریکا راگەهاند، پێتڤیە شەرێ ئۆکرانیا و روسیا ب ئاشتیا هەمیشەیی
بهێتە چارەسەرکرن.
هەڤدەم ڤلادیمێر پوتن،
سەرۆکێ روسیا گوت، کۆمبوونا دگەل ترەمپی د دەمێ خۆ دا بوو و یا ئەرێنی بوو، وەلاتێ
وی وەسا پێ باشە شەرێ ئۆکرانیا د نیزیکترین دەم دا بهێتە راگرتن و چارەسەرکرنا
ئەگەرین شەری.
بەحسا وێیەکێ ژی کر،
روسیا رێز ل هەمی هەلویستێن ئیداریێن ئەمریکا دگریت و ئەم ژی حەزا بەرەف پێشڤەچوونێ
دکەین و چارەسەرکرنا ئاریشەیان.
ئەو یەک ژی دا دیارکرن،
ل ئالاسکا دەرفەتەک هەبوو بۆ زانینا هەلویستێن روسیا ب ئارامی و گووتوبێژ کرن ل
سەر رێکێن چارەسەرکرنا ئاشتیێ.
پوتن و ترەمپ شەڤا
دەربازبووی ل ئالاسکا کۆمبوون و کۆمبوونا وان سەرکردەیان ل سەربازی ئێملمندۆرف –
ریچاردسۆن ل ئەنکۆرج هاتە ئەنجام دان و دوو دەمژمێر و ٤٥ خولەکان د کۆمبوونێ دا
بوون.