PM:11:47:07/08/2025
140 جار خوێندراوەتەوە
+
-
یاریدەدەرێ سەرۆکێ
حکومەتا دەم بسەرڤەچوویی، داهاتێ پەترۆلێ بۆ وەزارەتا دارایی نا ڤەگەرێت، دبێژێت
ژی، پشکەکا پەترۆلا دچیت بۆ کۆمپانیان و پشکەک بۆ کۆمپانیا دانە غاز دچیت و ل جهێ
غازێ بەرهەمئینانا غازێ بۆ کارەبێ و پشکەک ژی دچیت بۆ کاروبارێن ناڤ وەزارەتا
سامانێن سروشتی.
ئەڤرۆ پێنجشەمبی، رێباز حەملان، یاریدەدەرێ سەرۆکێ حکومەتا دەم
بسەرڤەچوویی د هەیاما بەرنامێ تاوتوێ بۆ ئێن ئاڕ تی گوت، حکومەتا عێراقێ تەکەز ل
وێ یەکێ کر داهاتێ هەرێما کوردستانێ هەمی ب فیدرالی دهێتە هژمار کرن، ئەڤەژی
بەروڤاژی دەستوریە.
ئاماژە ب وێ یەکێ ژی کر،
حکومەتا دەم بسەرڤەچوویی و بەغدا ل دانوستاندن د بەرداوامن بۆ چارەسەر کرنا ئاریشەیا
مووچەی، ئێکشەمبیا بهێت جڤاتا وەزیرێ عێراقێ دێ بریارێ ل سەر هنارتنا مووچەیێ
هەیڤا شەش یێ فەرمانبەران دەت.
بەحسا وێیەکێ ژی کر،
ئەگەر بریارا هنارتنا مووچەیێ هەیڤا شەش بهێتە دان حکومەتا دەم بسەرڤەچوویی دێ
داهاتێ ناڤخۆ هنێریت بۆ بەغدا لدویڤ رێکەفتنێ کو ١٢٠ ملیار دینارن.
گوت ژی، دیارکرنا بریارا
رادەستکرنا بڕێ داهاتی ل سەر هەرێمێ نە دەستوری و نە یاساییە، لێ هەرێمێ پێخەمەت
مووچەیێ فەرمانبەران هەمی نەرمی نڤاندیە بۆ رێکەفتنێ.
گوت ژی، حکومەتا هەرێمێ
و بەغدا بەرداوامن ل دانوستاندنا بۆ چارەسەرکرنا ئاریشەیێن مووچەی، هەروەسا هەرێم
پێگیرە ب رێکەفتنا دگەل بەغدا و هەیڤانە داهات رادەست کریە.
رۆژا ئێکشەمبیا بهێت
جڤاتا وەزیرێ عێراقێ دێ بریارێ ل سەر هنارتنا مووچەیی دەت، ئەگەر بریارا هنارتنا
مووچەیی هەیڤا شەش بدەت حکومەتا هەرێمێ دێ داهاتێ نافخۆ رادەست کەت کو ١٢٠ ملیار
دینارن.
دەربارەی
پەترۆلێ ژی یاریدەدەرێ سەرۆکێ حکومەتا هەرێمێ بەحسا وێ کر، بەغدا گوتیە ئەگەر
بەرهەمئینانا پەترۆلێ بگەهیتە ١٥٠ هازار بەرمیلان وی دەمی دی شێن ب بوریا هنارتە کەن.
بەحسا وێیەکێ
ژی کر، هەرێمێ ژبەرکو پارە نیە پەترۆلێ ددەتە کۆمپانیان و هەروەسا لدەیف هەڤبەستا
کۆمپانیین پەترۆلێ هەر ئاریشەیەک بۆ دروست بیت دێ شێن هەرێمێ بەنە بەر دادگەهێ.
دەربارەی هێرشێن
درۆنی بۆ سەر زەڤیێن پەترۆلێ ل هەرێمێ، رێباز حەملان تەکەز ل وێ کر ب سەدەما
هێرشێن درۆنی زەڤیێن پەترۆلێ زیانێن زۆر بەرکەفتینە.