دوماهیک زانیاری دەربارەی مووچەی و هنارتنا پەترۆلێ

PM:09:45:07/08/2025

3064 جار خوێندراوەتەوە

+ -

شاندێ هەرێمێ و بەغدا دەربارەی هنارتنا پەترۆلێ و مووچەیی کۆمبوون و لدویڤ زانیاریێن ئێن ئاڕ تی نەگەهشتینە چ ئەنجامان ژبەرکو هەرێمێ داخاز کرییە ب تنێ بۆ هەیڤا شەش ١٢٠ ملیاران رادەست بکەت و هەیڤا حەفت و هەیڤێن دی بهێتە کێم کرن.

ئەڤرۆ پێنجشەمبی، شاندێ هەرێمێ دگەل بەغدا کۆمبوون و لدویڤ زانیاریێن ئێن ئاڕ تی، دەربارەی داهاتێ نە پەترۆلی، شاندا حکومەتا دەم بسەرڤەچوویی دگەل بەغدا کۆمبوون و نەگەهشتینە چ ئەنجامان، ژ بەرکو هەرێمێ داخاز کرییە ب تنێ بۆ هەیڤا شەش داهاتێ نافخۆ رادەست بکەت و ل هەیڤا حەفت و هەیڤێن دی بهێتە کێمکرن.

ئێن ئاڕ تی زانییە،هەرێمێ داخاز کرییە ل هەیڤا داهاتی کێمتر ل ١٢٠ ملیار دیناران رادەست بکەت، بەغدا ژی گوتیە، لدویف رێکەفتنێ دبیت هەرێم هەیڤانە ١٢٠ ملیار دینارێن نافخۆ رادەست بکەت.

هەڤدەم، ژبلی رادەست نەکرنا داهاتێ نافخۆ ئاریشەیا هنارتنا پەترۆلا هەرێمێ رێگرە ل رێکەفتنا هەرێمێ و بەغدا تا نها هەرێمێ دەست نەکریە ب هنارتنا پەترۆلێ.

بەریا نها ژی بەغدا گوت بوو، ل دەمەکی مووچە دێ هێتە هنارتن کۆ نیڤا داهاتێ نافخۆ ١٢٠ ملیار دینار دکەت و ٢٣٠ هزار بەرمیلێن پەترۆلێ رادەست بکەت لێ تا نها حکومەتا دەم بسەرڤەچوویی پێگیری ب رێکەفتنێ نەکریە.

هەرێم دبێژیت، ٥٠٪ داهاتی فیدرالی دێ رادەست کەین، نەک ٥٠٪ داهاتێ نافخۆ، ل دەمەکی دڤیا هەیڤانە ١٢٠ ملیار دیناران رادەستی بەغدا بهێتە کرن، لێ بەغدا داخازا ٥٠٪ داهاتێ نافخۆ دکەت نە داهاتێ فیدرالی.

بەرپرسەکێ حکومەتا دەم بسەرڤەچووی بۆ ئێن ئاڕ تی گوت، بۆ ڤێ هەیڤێ ١٢٠ ملیار دینار بەرهەڤ کرینە و کەنگی بریارا خەرج کرنێ دان دێ رادەست کەین، بریارە ئێکشەمبی نڤیسارەکا هەر دووک لایان بچیتە هەمبەر سودانی تا بریارەکێ ل سەر پرسا مووچەی بدەت.

دەربارەی پەترۆلێ ژی دبیژیت، کۆمپانیا شارمان کو کۆمپانیەکا کەنەدییە و ل هەردوو زەڤیێن پەترۆلا ئەتروش و سەرسەنگ کا دکەت دبێژیت، ل هەردووک زەڤیێن پەترۆلێ بەرهەمئینان دەست پێکرییە، ب ئاوایەکی ل زەڤیا پەترۆلا ئەتروش ب تەمامی شیانا بەرهەمئینانا ٣٠ هزار بەرمیلێن رۆژانەیە، زەڤیا پەترۆلا سەرسنگ ژی ب نیڤا شیانا خۆ رۆژانە پەترۆلێ بەرهەمدئینیت.

هەمی زانیاریێن دی ب ڤی ئاوایی نە، تا ڤێ خولەکێ حکومەتا دەم بسەرڤەچووی پەترۆل رادەست نەکرییە، بەغدا ب ٨٠ هزار بەرمیلێن رۆژانە رازییە، لێ هەرێم ل بن ناڤێ گەرەنتیکرنا مافێن کۆمپانیان دا تا نها بەرهەڤ نەبوویە پەترۆلێ رادەست بکەت.