PM:08:21:07/08/2025
136 جار خوێندراوەتەوە
+
-
ئاریشەیا بێ ئاڤیێ ل
زۆریا دەڤەرێن هەرێمێ بەردەوامە و نەوەی نوێ ژی بەردوامە ل دابەشکردنا ئاڤێ ب سەر
وەلاتیان و ئەڤرۆ ئاڤ ب سەر چەن تاخێن سلێمانیێ دابەش کرن و پەرلەمانتارەکا نەوەی
نوی ژی دبێژیت، زێدەباری هەمی قەیرانێن پارتی و یەکێتی دروست کرین، ل بێ مووچەیی
تا گرانیا بهایێ کارەبی، قەیرانا بێ ئاڤیێ بوویە ئاریشەیەکا مەزن بۆ وەلاتیان.
ئەڤرۆ پێنجشەمبی، خۆشی
فەریدون، پەرلەمانتارا نەوەی نوێ ل کوردستانێ بۆ ئێن ئاڕ تی گوت، زێدەباری هەمی قەیرانێن
پارتی و یەکێتی دروست کرین، ل بێ مووچەیی تا گرانیا بهایێ کارەبی، قەیرانا بێ ئاڤیێ
بوویە ئاریشەیەکا مازن بۆ وەلاتیان.
هەڤدەم، پشکەکا ئاکنجیێن
وان تاخان بۆ ئێن ئاڕ تی گوت، چەند سالە ئاریشەیا بێ ئاڤیێ هەیە و حکومەتا دەم بسەرڤەچوویی تا نها لدویڤ
وێ ئاریشەیی نەچوویە، ژ بەر هندێ هەیڤانە سێ بۆ چار تەنکەرێن ئاڤێ دکرن.
بەحسا وێیەکی ژی کر،
دەست خۆشیێ ل تیمێن نەوەی نوێ و پەرلەمانتارێن وێ دکەن رابوونە ب دابەشکرنا ئاڤێ ل
تاخان و ئەو خزمەتگوزاریێن نەوەی نوێ دکەت چ ئالیەک پێ ناهێتە کرن.
ئەڤەژی د دەمەکی دایە، د
دەسپێکا هاتنا وەرزێ گەرمێ و سەرهەلدانا ئاریشەیا بێ ئاڤیێ ل باژێرێن جیاوازێن
هەرێمێ ل شوینا حکومەتا دەم بسەرڤەچوویی مژیلی دابەش کرن و دابینکرنا ئاڤێ بیت بۆ
وان وەلاتیان کو رەوشا وان ب دەست نەبوونا ئاڤێ خراپە، لێ هندەک جاران ژ لایەن
هێزێن ئەولەهیێن پارتی و یەکێتی رێگری لێ دهێتە کرن.