PM:02:54:03/08/2025
184 جار خوێندراوەتەوە
+
-
ڕێڤەبەریا بازرگانیا
هەرێمێ گوت، دەمێ خۆتۆمارکرن و نویکرنا پسولەیا خارنێ ب ئاوایێ ئەلیکترۆنی تا ٢٥ی
ڤێ هەیڤێ بێ بەرامبەرە و پشتی وی دەمی دێ ڕێکارێن دی بکارئینن.
ئەڤرۆ ئێکشەمبی، نەوزاد
شێخ کامل د داخویانیەکێ دا بەحسا وێ یەکێ کر،
تۆمارکرنا پسولەیا ئەلیکترۆنیا خارنێ تا ٢٥ی ئاب بێ بەرامبەرە و پشتی وی دەمی دێ
ڕێکارێن دی گرنەبەر بۆ قۆناغا دوویێ.
گوت ژی، هەمی وەلاتیێن
هەرێما کوردستانێ هایدار دکەن کو ئەڤە دوماهی دەلیڤەیە و ئەو وەلاتیێن ب هەر
هێجەتەکێ خۆ تۆمار نەکری ڤێ دەلیڤێ ژدەست نەدەن و دڤی دەمی دا هەر ئاریشەیەک هەبیت
چارەسەر بکەن و خۆ تۆمار بکەن بەروڤاژی
پشکا ئاهێن خارنا وان دێ هێتە ڕاگرتن تا وی دەمێ فۆرمێ تژی دکەن.
گوت ژی، وەلاتیێن هەرێمێ زێدەتر ل پارێزگەهێن دیێن
عێراقێ پشکداری دپرۆسەیێ دا کریە لسەر ئاستێ هەرێمێ ژی ل هەلەبجە پرانیا وەلاتیان
خۆ تۆمار کریە کو ٨٨٪ دەرباز کریە.