PM:04:49:18/07/2025
808 جار خوێندراوەتەوە
+
-
ئاژانسا
رۆیتەرز ژ زارێ ژێدەرەکی ل کۆمپنیا کارا پارتی ڤە دبێژیت، چ بەرهەڤی بۆ دووبارە
هنارتنا پەتڕۆلێ نەهاتینەکرن.
ئەڤرۆ ئەینی، ئاژانسا رۆیتەرز دبێژیت، ژێدەرەکی ل کۆمپانیا ئەپیکور
راگەهاند، دووبارە دەستپێکرنا هنارتنا پەتڕۆلێ گرێدایە ب وەرگرتنا نڤێسارا رێککەفتنێ
ڤە.
هەڤدەم، ژێدەرەکی دی ژی ل کۆمپانیا کارا پارتی کو هێلا بۆڕیێ ب رێڤەدبەت گوت،
چ بەرهەڤی بۆ دووبارە دەستپێکرنا هنارتنا پەتڕۆلێ نەتینەکرن.
هەروەسا، ئەڤرۆ، مایلز کاگینز، پەیڤدارێ کۆمپانیایێن کۆمەلەیا پیشەسازیا
پەتڕۆلا کوردستانێ، کو دهێتە نیاسین ب "ئەپیکور"،
بلاڤکر، بۆ هنارتنا پەتڕۆلا هەرێمێ، چاڤەڕێی نڤێسارا فەرمییا رێککەفتنا
دناڤبەرا هەرێم و بەغدا نە.
ئەڤەژی ددەمەکی دایە، لدیف رێککەفتنا هەرێم و بەغدا کو ژلایێ هەردوو لایانڤە
هاتە پەسەندکرن، بڕیارە ٢٣٠ هزار بەرمیلێن پەتڕۆلێ رادەستی سۆمۆ بکەت.