PM:05:39:11/05/2025
1540 جار خوێندراوەتەوە
+
-
شێوەرمەندێ
دارایێ سەرۆک وەزیرێن عێراقێ راگەهاند، سەدەمێ هاتنەخارا بهایێ دۆلاری لهەمبەر
دیناری بۆ سەرکەفتنا پلانێن سترایژیێن بەنکا ناڤەندیا عێراقێ بۆ کۆنترۆلکرنا بهایێ
بازارێ دراڤی، ئێک ژوان پلانێن دامەزراندنا سیستەمێ چاڤدێریێ ئەلکترۆنی بوو.
ئەڤرۆ ئێکشەمبی، مەزهەر محەمەد شێوەرمەندێ دارایێ
سەرۆک وەزیرێن عێراقێ دبێژیت، کێمبوونا جوداهیێ دناڤبەرا بهایێ فەرمی و بهایێ لهەڤگۆهارتنا ڕەش، ئێکە ژ دیارترین
نیشانێن سەرکەفتنا پلانا ستراتیژیا بەنکا ناڤەندی بۆ کۆنترۆلکرنا بازارێ دراڤی.
ئاماژە ب
وێیەکێ ژیکر، پلانێن بەنکا ناڤەندیا عێراقێ کارتێکرنەکا بەرچاڤ هەبوو د بلندکرنا
سەقامگیریا بازارێ دراڤی دا، کو ئەڤە ژی کارتێکرنا ئەرێنی دبیت لسەر بهێزبوونا دینارێ
عێراقی و باشترکرنا ژینگەها بازرگانی و راکێشانا وەبەرئینانا ناڤخۆیی و دەرەکی.
ئەو یەکژی
بەرچاڤکر، ئێک ژ پلانێن سەرکەفتنا بەنکا ناڤەندیا عێراقێ، دامەزراندنا سیستەمێ
چاڤدێریا ئەلیکترۆنی بوویە، بۆ ڤەکۆلینێ ژ ڤەگۆهاستن و کارێن بەنکان ب دراڤێن بیانی،
ڤێ رێکێ چەندین قۆناغ دەربازکرینە و کارتێکرنێن بەرچاڤ دروستکرن لسەر بلندکرنا بهایێ
دیناری.
ئەڤە ژی د دەمەکێدایە، د ڤێ حەفتیێ دا بهایێ
دیناری لهەمبەر دۆلاری بلندبوونەکا بەرچاڤ بخۆڤە دیت و د نها دا ١٠٠ دۆلار لهەمبەر
١٤٢ هزار و ٥٠٠ دینارێن عێراقی بازار پێڤە دهێتە کرن.