PM:12:19:11/05/2025
652 جار خوێندراوەتەوە
+
-
لژنا بلندا فەتوایا
هەرێما کوردستانێ فەتوایەکا تایبەت ب خازخازوکیێ دەرکر و ڕاگەهاند، کارێ خازخازوکیێ
د شەرعی دا حەرام و نەدروستە، دبێژیت ژی، هەڤکاریکرنا وان ژی ب پارەیێ زەکاتێ یان
ب پارەیێ خێرێ نەدروستە.
ئەڤرۆ ئێکشەمبی، جڤاتا بلندا
فەتوایا هەرێما کوردستانێ ڕاگەهاند، کۆمەکا مامۆستایێن ئاینی و وەلاتیان داخازا
حوکمێ شەرعی کرن دەربارەی دروستی یان حەرامیا دیاردەیا کرێت یا خازخازوکیێ ژلایێ
هندەک کەسان ڤە ل کۆلان و ترافیک و جهێن گشتی.
جڤاتا بلندا فەتوایێ پشتی
گوتوبێژکرنا وی بابەتی و ڤەگەریان بۆ ژێدەرێن فیقهی یێن ئیسلامی، ئەڤ چەند خالە
بەلاڤکرن:
1.کارێ خازوکیێ
د شەریعەتی دا حەرام و نەدروستە، بۆ هندەک کەسان نەبیت کو گەلەک پێدڤی بن و چ ژێدەرێن داهاتی نەبن.
2.هەڤکاریا
خازخازوکان ب پارەیێ زەکات و خێرێ نە دروستە، ژبەرکو ناهێتە زانین ئەو کەسە ب
دروستی یێ پێدڤیە یان نە، ب تایبەتی زارۆکان نابیت پارە ب وان بهێتەدان، بەلکو پێدڤیە
هندەک شیرەتان لێبکەن، ژبەرکو دێ بیتە پالدەرەک کو لسەر خازخازوکیێ بەردەوام بیت.
ئاماژە ب وێ یەکێ ژی کر، داخاز ژ موسلمانان دکەن زەکات و
خێرێ بدەنە کەسێن ژ هەژی کو شەڕم دکەن خازخازوکیێ بکەن.
ئەو یەکژی بەرچاڤکر، داخاز ژ حکومەت و سازیێن پەیوەندیدار
دکەن رێکارێن پێدڤی بگرنەبەر بۆ نەهێلانا ڤێ دیاردەیا نەشەرعی و کرێت.