PM:12:58:22/04/2025
236 جار خوێندراوەتەوە
+
-
وەزارەتا داراییا حکومەتا رێڤەبرنا کاران راگەهاند، وان لیستا مووچەیێ
هەیڤا چار یێ مووچەخۆرێن هەرێمێ رادەستی بەغدا کر، ژێدەرەکی ژی ژ وەزارەتا داراییا
عێراقێ بۆ ئێن ئاڕ تی گوت، ژبەر گیروبوونا هنارتنا لیستا مووچەی رەنگە هنارتنا
پارەیێ مووچەیێ هەیڤا چار گیروبیت.
ئەڤرۆ سێشەمبی، وەزارەتا دارایی و ئابووریا حکومەتا رێڤەبرنا کارێن
هەرێمێ ڕاگەهاند، وان لیستا مووچەیێ هەیڤا چار و دەرخستەیا داویا هەیڤا سێ رادەستی
پشکا ژمیریاریا وەزارەتا داراییا حکومەتا عێراقێ کر.
هەڤدەم، ژێدەرەکی ژ وەزارەتا داراییا عێراقێ بۆ ئێن ئاڕ تی ئاماژە ب
وێ یەکێ کر، ژبەر گیروبوونا هنارتنا لیستا مووچەیێ هەیڤا چار ژلایێ حکومەتا
رێڤەبرنا کاران ڤە، رەنگە هنارتنا پارەیێ مووچەیێ هەیڤا چار گیروبیت.
ئەو یەکژی بەرچاڤکر، دێ هویربینی د لیستا مووچەی دا هێتەکرن و ئەگەر چ
ئاریشە تێدا نەبن پشتی هویربینیێ دەملدەست دێ دەست ب هنارتنا پارەیێ مووچەیێ هەیڤا
چار یێ مووچەخۆرێن هەرێمێ هێتەکرن.
ئەڤە د دەمەکی دایە، هەر ئەڤرۆ وەزارەتا داراییا حکومەتا رێڤەبرنا کاران
راگەهاند، وان پشکا
گەنجینەیا فیدرالی ژ داهاتێ نەپەترۆلیێ هەرێمێ بۆ هەیڤا ئادارا ئەڤسالە، کو کوژمێ وێ 48 ملیار و 205 ملیۆن و 765
هزارن دینارن، ب ئاوایێ کاش بۆ سەر هژمارا بەنکیا وەزارەتا داراییا حکومەتا فیدرالی
ل تایێ هەولێرێ یێ بەنکا ناڤەندیا عێراقێ هاتە هنارتن.