AM:10:51:22/04/2025
1708 جار خوێندراوەتەوە
+
-
بڕیارە ئەڤرۆ لیستا
مووچەی و دەرخستەیا داویێ بۆ بەغدا بهێتە هنارتن و ژێدەرەک ژ وەزارەتا دارایی
دبێژیت، ژبەرکو بەرهەڤکرنا لیستێ گیروبوویە، پێشبینی دکەن هنارتنا پارەی ژ بەغدا
ژی گیروبیت.
ئەڤرۆ سێشەمبی، ژێدەرەکی
ژ وەزارەتا داراییا حکومەتا عێراقێ بۆ ئێن ئاڕ تی راگەهاند، د نها دا مژویلی
دابەشکرنا مووچەیێ مووچەخۆرێن عێراقێ نە و دگەل وێ یەکێ ژی دا هەر دەمێ لیستا
مووجەیێ هەرێمێ بۆ وان بهێتە هنارتن دێ دەست ب هویربینیێ کەن و چەند رۆژان دێ
ڤەکێشیت، ژبەر هندێ دهێتە پێشبینیکرن هنارتنا پارەیێ مووچەیێ هەیڤا چار بۆ هەرێمێ
گیروبیت.
بەحسا وێ یەکێ ژی کر، دێ
هویربینیێ د لیستێ دا کەن و ئەگەر چ ئاریشە تێدا نەبن دێ ب زویترین دەم دەست ب
هنارتنا پارەیێ مووچەیێ هەرێمێ کەن.
وی ژێدەری ئەو یەکژی
بەرچاڤکر، بەرهەڤنەکرنا لیستا مووچەی و نەهنارتنا وێ بۆ بەغدا سەدەمە بۆ گیربوونا
هنارتنا مووچەی د دەمێ خۆ دا.
ئەڤە د دەمەکی دایە،
لدویف رێکەفتنێن حکومەتا عێراق و حکومەتا رێڤەبرنا کاران دڤیابوو ل رۆژا 10ـێ هەمی
هەیڤان لیستا مووچەیێ هەرێمێ بهێتە بەرهەڤکرن و بۆ بەغدا بهێتە هنارتن، لێ ژ داویا
هەیڤا چار نێزیک دبین و تا نها حکومەتا رێڤەبرنا کارێن هەرێمێ لیست بەرهەڤنەکریە و
رادەستی بەغدا ژی نەکریە.