PM:09:15:20/04/2025
600 جار خوێندراوەتەوە
+
-
ساخلەمیا عێراقێ تۆمارکرنا
پێنج حالەتێن نوی یێن تایا خوینبەربوونێ راگەهاند و دووپاتکر کو ژ دەستپێکا سالا
٢٠٢٥ـێ ڤە هژمارا توشبوویان گەهشتیە ١٩ کەسان.
ئەڤرۆ ئێکشەمبی، سەیف بەدر، پەیڤدارێ وەزارەتا ساخلەمیا عێراقێ
د داخۆیانیەکێ دا راگەهاند، ژ دەستپێکا
سالا ٢٠٢٥ـێ ڤە هژمارا توشبوویان گەهشتیە ١٩ کەسان.
ئاماژە ب وێیەکێ ژیکر، دناڤ
وان توشبوویان دا دوو حالەتێن ژیان ژدەستدانێ هاتینە تۆمارکرن، توشبوویێن دی ژی د
بن چاڤدێریا هویر یا نوژداری دانە.
بەحسا وێیەکێ ژیکر، ئەو
توشبوویە ب ئاوایەکێ نە کو ل پارێزگەها زیقار حەفت کەسن، ل پارێزگەها کەرکوکێ چار حالەتن
و دوو حالەتێن ژیان ژدەستدانێ ژی هاتینە تۆمارکرن، ل پارێزگەها موسەننا سێ حالەتن،
ل نەینەوا ئێک، بەسرا ئێک، رەسافەیا بەغدا ئێک، میسان ئێک، واست ئێک، حالەت هاتینە
تۆمارکرن.
ئەڤە د دەمەکێدایە، دوهی، وەزیرێ ساخلەمیا
حکومەتا رێڤەبرنا کاران ژی ب میدیایا پارتی گوتیە، دگەل وەزارەتا چاندنێ و حکومەتا
عێراقێ هەمی رێکار گرتینەبەر دا کو رێگریێ بکەن ژ بەلاڤبوونا وێ نەخۆشیێ و تا نها
چ حالەتەک ژی نەهاتیە تومارکرن ل هەرێما کوردستانێ.