PM:03:01:20/04/2025
880 جار خوێندراوەتەوە
+
-
وەزیرێ ساخلەمیا حکومەتا
رێڤەبرنا کارێن هەرێمێ: تایا خوینبەربوونێ نەخۆشیەکا کوژەکە و رێژەیا مرنێ 60%ـێ یە، گوت ژی، چ حالەتەک ل هەرێمێ نەهاتیە تۆمارکر و پێرابوونێن
پێدڤی ژی گرتینە بەر داکو چ حالەت وێ نەخۆشیێ نەهێنە تۆمارکرن.
ئەڤرۆ ئێکشەمبی، سامان
بەرزنجی وەزیرێ ساخلەمیا حکومەتا رێڤەبرنا کارێن هەرێمێ ئاماژە ب وێ یەکێ ژی کر،
تیمێن وان رۆژانە مژویلی دیفچوونانن بۆ وی بابەتی دکەن، ژبەرکو هژمارەکا زۆر یا حالەتێن
گوماناوی ل عێراقێ هەنە و بووینە سەدەمێ ژیان ژ دەستدانێ.
ئاماژە ب وێ یەکێ ژی کر،
بەرهەڤن هەڤکاریا ساخلەمیا کەرکوکێ بکەن، چ بۆ پشکنینان یان بۆ پێشوازیێ ژ نەخۆشان
و چارەسەرکرنا وان.
هەڤدەم، نەخۆشیا تایا
خوینبەربوونێ ل بەشەکا پاریزگەهێن عێراقێ بەلاڤبوویە و تا نها 14 حالەت هاتینە
تۆمارکرن کو چار ژوان ل کەرکوکێ بووینە و دوو ژوان ژیانا خۆ ژدەستداینە.
ئەڤە د دەمەکی دایە،
تایا خوینبەربوونێ نەخۆشیەکا فایرۆسیە و مەترسیدارە کو ژلایێ ئاژەلێن تووشبووی یان
سەربرخانەیان دهێتە ڤەگوهاستن، ڤایرۆسەکێ کوژەکە و ئەگەرێ مرنێ ژبەر وی ڤایرۆسی 60 %ـێ یە.