PM:12:33:20/04/2025
1040 جار خوێندراوەتەوە
+
-
سەرۆکێ ڤەلڤینا نەوەی
نوێ راگەهاند، پارتی و یەکێتی هەر چ گوتن درەوان دکەن و چ سوزێن خۆ جێبەجێ ناکەن،
نها ژی ئەگەر سەرۆکێ یەکێتی وێرەکی هەبیت بلا بهێت و 15 کورسیێن نەوەی نوێ ببەت و حکومەتێ
ل دەرڤەی پارتی پێکبینیت، لێ ئەگەر پەرلەمانێ کوردستانێ کۆم نەبیت دێ هەلوەشینن ،
دبێژیت ژی، پارتی و یەکێتی ژبلی دزینا داهاتێ ولاتی و زێدەکرنا باج و رسوماتان
لسەر خەلکی چ تشتەکێ دی بۆ وەلاتیان نەکرینە.
ئەڤرۆ ئێکشەمبی، شاسوار
عەبدولواحید سەرۆکێ ڤەلڤینا نەوەی نوێ راگەهاند، پارتی و یەکێتی بەری هەلبژارتنێ
هەر چ گوتن دەرکەفت درەو و چ سوزێن خۆ بجهـ نەئینان، ب تایبەتی یەکێتی ژبەرکو ئەوا
ل هەلبژارتنێ کری تەپەسەرکرنا زێدەترا خەلک و دەنگدەرێن وان بوو.
ئاماژە ب وێ یەکێ ژی کر،
نەوەی نوێ ناچیتە ناڤ حکومەتەکێ کو دەستهەلات نەبیت، ئەگەر وان دەستهەلات هەبیت و بشێن
د حکومەتەکێ دا کار بۆ خەلکی بکەن دێ چنە د حکومەتێ دا.
ئەو یەکژی بەرچاڤکر، ئەوا
نها پارتی دکەت قۆرغکرنا دەستهەلاتێ یە، ژبەرکو سەرۆکێ یەکێتی دان ب وێ یەکێ
دانابوو کو وان چ دەستهەلات نینە، نها ژی ئەگەر سەرۆکێ یەکێتی وێرەکی هەبیت
حکومەتێ ل دەرڤەی پارتی پێکبینیت دێ 15 کورسیێن نەوەی نوێ پێشکێش کەین و حکومەتێ
دگەل ئالیێن دی پێکبینیت.
سەرۆکێ ڤەلڤینا نەوەی نوێ
دبێژیت ژی، پارتی و یەکێتی ژبلی دزینا داهاتێ ولاتی و زێدەکرنا باج و رسوماتان
لسەر خەلکی چ تشتەکێ دی بۆ وەلاتیان نەکرینە و ژیارا وان زەحمەت تر کریە.
دەربارەی هەلبژارتنێ ژی شاسوار
عەبدولواحید بەحسا وێ یەکێ کر، دێ بەردەوام خەلکی هوشیار کەن ل گرنگی و پشکداربوونا
هەلبژارتنێ، پارتی و یەکیتی ژی دزانن تاکە هەڤڕکێ وان کو مەترسی بیت بۆ سەر
دەستهەلاتا وان نەوەی نوێ یە، ژبەر وێ چەندێ بەردەوام دژایەتیا نەوەی نوێ دکەن و
دژی وێ دئاخڤن.