PM:06:34:17/04/2025
1344 جار خوێندراوەتەوە
+
-
پشتی دانانا ٨٢
کامیرەیێن خال بۆ خال ل سەنتەرێ دهۆکێ تا زاخۆ، نوکە ئەو کامیرە کەفتینە کاری و دەست
ب تۆمارکرنا سەرپێچیان کریە. شۆفێر ژی دبێژن، مەرەم ژڤی کارێ دەستهەلاتێ ڤالا کرنا
بەریکا خەلکی یە.
کۆژمێ وی پارەیێ ب ڕێکا وان
کامیرەیێن تۆمارکرنا سەرپێچیان ژ شۆفێران دهێتە وەرگرتن دناڤبەرا ٧٠ بۆ ٢٣٠ هزار
دیناران دایە، ڤێ چەندێ ژی شۆفێر دلگران کرینە.
هەروەسا شۆفێرەکی بۆ ئێن
ئاڕ تی راگەهاند، دانانا ڤان کامیرەیان بارەکێ گرانە لسەر ملێ شۆفێران. گوت ژی، "ئەگەر
شۆفێرێ تەکسیێ یان پاسێ ئێک جارێ ل کامیرەیێ بدەت، دێ کریا سێ چار رۆژێن وی بەر
ئاڤێ دا چیت".
ئاماژە ب وێیەکێ ژیکر،
دیار نینە داهاتێ ڤان کامیرەیان بۆ کیڤە دچیت، ژبەرکو گەلەک کێماسی د ڕێک و پران
دا هەنە و ئەڤ کێماسیە ژی بۆینە ئەگەرێ زێدەبوونا بوویەرێن ترافیکی ل وان دەڤەران.
هەروەسا، ژبلی دانانا ڤێ
هژمارا زۆرا کامیرەیێن خال بۆ خال، ل دهۆکێ و زاخۆ چەندین جۆرێن دیێن کامیرەێن تۆمارکرنا
سەرپێچیان هاتینە دانان کەفتینە کاری، ب ڕەنگەکی ل زاخۆ ل ١٠ جهان ٢٠ کامیرە
کەفتینە کاری و سەرپێچیان تۆمار دکەن.