AM:11:42:27/03/2025
356 جار خوێندراوەتەوە
+
-
بەرپرسێ ئۆفیسا دهۆکێ یا کۆمسیۆنا هەلبژارتنێن عێراقێ
بۆ ئێن ئاڕتی راگەهاند، پڕۆسەیا نویکرن و دەرئینانا کارتا بایۆمێتریا دەنگدانێ دەستپێکریە
و بۆ دەمێ هەیڤەکێ دێ بەردەوام بیت.
ئەڤرۆ
پێنجشەمبی، خالد عەباس بەرپرسێ ئۆفیسا دهۆکێ یا کۆمسیۆنا
هەلبژارتنێن عێراقێ بۆ ئێن ئاڕتی راگەهاند، چەند رۆژن پرۆسەیا نویکرن و تۆمارکرنا
کارتا بایومێتری دەستپێکریە و تا هەیڤەکێ دێ بەردەوام بیت.
ئاماژە ب وێ یەکێ ژی کر، ئەڤ پرۆسەیە ژدایکبوویێن
2007 ژی ڤەدگریت بۆ خۆ تومارکرنێ کو بۆ ئێکەمجار دشێن پشکداریێ د هەلبژارتنا بهێت یا
پەرلەمانێ عێراقێ دا بکەن.
ئەو یەکژی بەرچاڤکر، ئەو کەسێن کو دخازن جهێ دەنگدانا
خۆ ژ جهەکێ بۆ جهەکێ یان پارێزگەهەکا دی ڤەگوهێزن دشێن سەرەدانا بنگەهێن وان بکەن.
بەحسا وێ یەکێ ژی کر، ئەو کەسێن کو ژیانا خۆ ژدەستداین،
کەسوکارێن وان دشێن سەرەدانا بنگەهێن کۆمسیۆنێ بکەن بۆ دەرئینانا ناڤێن مرییان یان
ژی هەر ئاریشەیەک د کارتا وان یا بایۆمێتری دا و پەنجەمۆرا وان دا هەبیت.