هویرکاریێن دابەشکرنا مووچەیێ وەزارەتان

PM:04:56:26/03/2025

788 جار خوێندراوەتەوە

+ -

وەزارەتا داراییا حکومەتا رێڤەبرنا کاران لیستا مووچەیێ هەیڤا سێ بەلاڤکر، لدویف وێ لیستێ ژی، سوبەهی پێنجشەمبی دێ دەست ب دابەشکرنا مووچەیێ خانەنشینێن شارستانی و خودان پێدڤیێن تایبەت و زیندانیێن سیاسی و بەرکەفتیێن کیمیابارانێ و کەسوکارێن شەهیدان و ئەنفالکریان دێ هێتە دابەشکرن.

ئەڤرۆ چارشەمبی، وەزارەتا دارایی و ئابووری یا حکومەتا رێڤەبرنا کاران، لیستا مووچەیێ هەیڤا سێ یێ مووچەخۆرێن هەرێمێ بەلاڤکر و تێدا هاتیە، سوبەهی پێنجشەمبی ٢٧ـی ئادارێ دێ دەست ب دابەشکرنا مووچەی هێتە کرن و رۆژا سێشەمبی ٢٩ـێ ئادارێ دێ ب داوی هێت.

هەڤدەم، لدویف وێ لیستێ، سوبەهی پێنجشەمبیێ ٢٧ـێ ئادارێ:

مووچەیێ خانەنشینێن شارستانی و خودان پێدڤیێن تایبەت، زیندانیێن سیاسی و بەرکەفتیێن کیمیابارانێ و کەسوکارێن شەهیدان و ئەنفالکریان دێ هێتە دابەشكرن.

رۆژا ئەینی ٢٨ـێ ئادارێ:

مووچەیێ وەزارەتێن کاروباریێن شەهیدان و ئەنفالکریان و پەروەردە و دارایی و دەستەیا دەستپاکی و دەستەیا وەبەرئینانێ و دەستەیا ژینگەهێ، دەزگاهێ مین و دەڤەرێن دەرڤەی هەرێمێ و کۆمیسیۆنا بلندا هەلبژارتنان و دیوانا چاڤدێریا دارایی، مافێ مرۆڤی و ئاڤەدانکرن و ئاکنجیکرنێ و ساخلەمی، ناڤخۆ، داد و جڤاتا دادوەری، پلاندانان، بازرگانی پیشەسازی سامانێن سروستی، ڤەگۆهاستن و گەهاندن، چاندن و ژێدەرێن ئاڤی و باژێرڤانی و گەشت و گوزار دێ هێنە دابەشکرن.

رۆژا شەمبی ٢٩ـی ئادارێ:

مووچەیێ وەزارەتێن کاروباریێن جڤاکی و رۆشنبیری و لاوان، کارەب و ئەوقاف و کاروبارێن ئایینی، خاندنا بلند و ڤەکۆلینێن زانستی و سەرۆکایەتیا پەرلەمانی و سەرۆکایەتیا جڤاتا وەزیران، سەرۆکایەتیا هەرێمێ و پێشمەرگە(دیوان، لیوا) و یەکەیێن ٧٠ و ٨٠ و پۆلیسێن سازیێن پەترۆلی، جڤاتا ئاسایشێ و دەزگەهێ ئاسایشێ، هێزا زێرەڤانی و فەرماندەیا بەرەڤانیا ل هەوار هاتنێ دێ هێتە دابەشکرن.