PM:05:50:25/03/2025
104 جار خوێندراوەتەوە
+
-
نڤیسینگەها رۆژنامەڤانیا وەزیرێ پێشمەرگەی راگەهاند، دەربارێ پلەبلندکرنا ئەفسەرێن هێزێن حەفتا، ب پێنگاڤێن خۆ یێن بەردەوام شیاینە رەوشا پلە بلندکرنا ئەفسەران ل وەزارەتا پێشمەرگەی بئێخنە سەر راستەرێکێن یاسایی و ئاساییا خۆ.
ئەڤرۆ سێشەمبی، نڤیسینگەها رۆژنامەڤانیا وەزیرێ پێشمەرگەی د راگەهاندنەکێ دا بەلاڤکریە، پلەبلندکرنا ئەفسەران بۆ هەیاما چەندین سالان هاتیە راگرتن و ئەفسەرێن هێزێن پێشمەرگەی بێ بەش بووینە ژ مافێ پلەبلندکرنێ، نها شیاینە پلە بلندکرنا ئەفسەران بئێخنە سەر راستەرێکا یاسایی و ئاساییا خۆ.
ئاماژە ب وێیەکێ ژیکر، دەربارێ راگرتنا نڤیسارێن هێزێن حەفتا دناڤ بەشێن کارگێریێن وەزارەتا پێشمەرگەی دا ئاماژە ب وێیەکێ کر، "ئەڤ بابەتە دوویرە ژ راستیێ و نڤیسارێن هێزێن حەفتا کارێن یاسایی لسەر دهێنە کرن هەر نڤیسارەک هەبیت د کڤانێ یاسا و رێکاران دا دهێنە جێبەجێکرن و هاتینە جێبەجێکرن ژی".
هەروەسا، دەربارێ جوداهیا پێدانا ئازووقە بۆ فرقا ئێک و دوو بەحسا وێیەکێ کر، چ جوداهیەکا بنەرەتی ل وەزارەتا پێشمەرگەی هەبوون نینە، هێزێن پێشمەرگەی ل هەمی ماف و شایستەیێن وان یەکسانن و بێ چ جوداهیەک یا کو لبەردەستێ وەزارەتا پێشمەرگەی دا بیت بسەر هەمی یەکیێن سەربازیێن وەزارەتا پێشمەرگەی دا هاتینە دابەشکرن.