PM:05:08:25/03/2025
432 جار خوێندراوەتەوە
+
-
رێڤەبەریا هاتن و چوونا ئیدارەیا سەربەخۆیا زاخۆ راگەهاند، ل ١٥ـی
نیسانا بهێت کامیرەیێن لەزاتیێ 'پۆینت تو پۆینت' دناڤبەرا دهۆک - زاخۆ دا دێ کەڤنە
کاری.
ئەڤرۆ سێشەمبی
٢٤ـی ئادارێ، رێڤەبەریا هاتن و چوونا ئیدارەیا سەربەخۆیا زاخۆ راگەهاند، ل رۆژا
١٥ـی نیسانا ئەڤسالە کامیرەیێن تۆمارکرنا لەزاتیێ 'پۆینت تو پۆینت' لسەر جاددەیا
سەرەکی یا دهۆک - زاخۆ و تونێلا گەلیێ زاخۆ بۆ فلکەیا سحێلا دێ کەڤنە کاری.
ئاماژە ب وێیەکێ ژیکر، لەزاتیا ترۆمبێلێن تایبەت ب ١٠٠ کیلۆمەتران د
دەمژمێرەکێ دا هاتیە دیارکرن، لەزاتیا ترۆمبێلێن بارهەلگر ژی ب ٨٠ کیلۆمەتران د
دەمژمێرەکی دا هاتیە دیارکرن.
هەروەسا، داخازێ
ژ وەلاتیان دکەن بۆ پاراستنا ژیانا خۆ پێگیری رێنمایێن هاتن و چوونێ بن.
ئەڤە د دەمەکی
دایە، بەر نها ژی هاتن و چوونا زاخۆ چەندین کامیرەیێن هاتن و چوونێ یێن بنەجهـ ل
جاددەیێن سنورێ ئیدارەیا زاخۆ دانان و بەردەوام سەرپێچیان تۆمار دکەن.
هەڤدەم، ل رۆژا
٢٩ـی ئایارا ٢٠٢٣ـێ، بۆ ئێکەم جار کامیرەیێن پۆیتن تۆ پۆینت لسەر رێکا دوکان – سلێمانی
کەفتنە کاری، بڤێ ژی نەرازیێن بەشەکا وەلاتیان لدویف خۆ ئینا و بەشەکا وەلاتیان بەحسا
وێیەکێ کر، وان کامیرەیان وەکی ژێدەرەکێ داهاتی بکاردئینن.
کامیرەیێن پۆینت
تۆ پۆینت لەزاتیا دیارکری و دەمێ دەربازبوونا دناڤبەرا دوو کامیرەیان دا دپیڤیت، ب
ئاوایەکێ، دناڤبەرا دوو کامیرەیان پێدڤیە ب دوو خۆلەکان دەربازببی.