PM:01:09:23/03/2025
1876 جار خوێندراوەتەوە
+
-
ژێدەرەکی ژ وەزارەتا
داراییا عێراقێ بۆ ئێن ئاڕ تی راگەهاند، هویرینیا لیستا مووچەی ژ دوهی ڤە تەمام
بوویە و بتنێ ئیمزایا وەزیرا داراییا عێراقێ مایە بۆ خەرجکرنا پارەیێ مووچەیێ ڤێ هەیڤێ.
ئەڤرۆ چارشەمبی، ژێدەرەکی
ژ وەزارەتا داراییا عێراقێ بۆ ئێن ئاڕ تی راگەهاند، هویربینیا لیستا مووچەیێ
مووچەخۆرێن هەرێمێ بۆ هەیڤا سێ تەمام بوویە و بتنێ ئیمزایا تەیف سامی وەزیرا
دارایی مایە بۆ هنارتنا پارەیێ مووچەیێ هەیڤا سێ.
ئاماژە ب وێ یەکێ ژی کر،
وەزیرا داراییا عێراقێ ئیمزایێ لسەر خەرجکرنا مووچەی بکەت هەر ئەڤرۆ پارەیێ
مووچەیێ ڤێ هەیڤێ دێ بۆ هەرێمێ هێتە هنارتن.
وی ژێدەری ئەو یەک ژی بەرچاڤکر،
ئەو کوژمێ پارەیێ دهێتە خەرجکرن بۆ مووچەیێ هەیڤا سێ دێ کێمتر بیت ژ پارەیێ
مووچەیێ هەیڤا دوو و ئێک.
ئەڤە د دەمەکی دایە، ئەڤرۆ ئێکشەمبی،
شێروان دووبەردانی پەرلەمانتارێ پارتی ل پەرلەمانێ عێراقێ بۆ میدیایێن حزبا خۆ ڕاگەهاند،
ئەگەر ژبەر جەژنێ هویربینی ژی نەهێتە تەمامکرن مووچەیێ هەمی عێراق و هەرێما
کوردستانێ دێ هێتە دابەشکرن.