AM:10:57:19/03/2025
652 جار خوێندراوەتەوە
+
-
سێ ئێکەمێن زانکۆ و پەیمانگەهێن هەرێمێ ل هەمبەر جڤاتا وەزیرێن هەرێمێ
خڕڤەبوون و داخازا دامەزراندنێ دکەن.
ئەڤڕۆ چارشەمبی ١٩ـێ ئادارێ، سێ ئێکەمێن زانکۆ و پەیمانگەهان ل هەمبەر جڤاتا وەزیرێن هەرێمێ خڕڤەبوون و داخازا دامەزراندنێ دکەن و بەشەکا وان زێدەتری هەشت سالانە چەڤەڕیێ دامەزراندنێ نە.
هەڤدەم، تا نوکە زێدەتر (٤٠) جاران سێ ئێکەمێن زانکۆ و
پەیمانگەهان ل هەمبەر پەرلەمانێ کوردستانێ و جڤاتا وەزیرێن هەرێمێ بۆ داخازکرنا مافێن
خۆ خڕڤەبووینە، لێ وەکو سێ ئێکەمێن زانکۆ و پەیمانگەهان ددەنە دیارکرن، تا نوکە چ بەرپرسەک
بەرهەڤ نینە گوهدارییا داخازیێن وان بکەت.
ل هەرێما کوردستانێ زێدەتری ١٠ هزار دەرچوویێن سێ ئێکەمێن زانکۆ و
پەیمانگەهان یێن دانەمزراندنی هەنە، کو ل سالا ٢٠١٧ ڤە تا نوکە ب هێجەتا قەیرانا
دارایی نەهاتینە دامەزراندن، دەمەکی دا لدیف یاسایێ پشتی تەمام بوونا وەرزێ خاندنێ
دڤێت سێ ئێکەم بهێنە دامەزراندن.
ئەڤە دەمەکی دایە، نێزیکی نەهـ هەیڤانە ب مەرەما دامەزراندنێ سێ ئێکەمێن زانکۆ و پەیمانگەهان
بایۆمەتری ئەنجام دایە.