PM:02:28:20/02/2025
152 جار خوێندراوەتەوە
+
-
ئەو فەرمانبەرێن ل هەیڤا
12 یا سالا دەربازبووی خانەنشین بوون، تا نها کارێن کارگێریێن وان تەمام نەبووینە
و ل هەیڤا شوبات مووچەی وەرناگرن، بەلکو هەیڤا سێ دێ سێ مووچەیێن ئەڤسالە پێکڤە
وەرگرن.
ژێدەرەکی ژ وەزارەتا
داراییا حکومەتا رێڤەبرنا کارێن هەرێمێ ڕاگەهاند، ئەو 25 هزار و 500 خانەنشینێن ل
31ـێ کانوونا ئێکەما سالا دەربازبووی خانەنشین بووین، و ژیێ وان 60 سالی دەربازکریە،
بۆ هەیڤا شوباتێ مووچەی وەرناگرن، ژبەرکو تا نها ناڤێ وان بۆ سەر لیستا مووچەیێ
خانەنشینان نەهاتیە زێدەکرن و رێکارێن کارگێریێن وان تەمام نەبووینە.
ئاماژە ب وێ یەکێ ژی کر،
ناڤێ وان کەسان وەک خانەنشین بۆ سەر لیستا مووچەی دهێتە زێدەکرن، لێ مووچەیێ
هەیڤێن ئێک و دوو و سێ دێ پێکڤە وەرگرن.
ئەو یەکژی بەرچاڤکر، پاداشتێ
خانەنشینیا وان 18 مووچەنە، شەش مووچەیان ل فەرمانگەها وان دەوام لێ کری دێ وەرگرن
و 12 مووچەیێ دی ژی ب رێکا رێڤەبەریا گشتیا خانەنشینیان سەر ب وەزارەتا دارایی دێ
وەرگرن.
ئەڤە د دەمەکی دایە، ل
هەرێما کوردستانێ 170 هزار خانەنشینێن سڤیل هەنە و 120 هزار خانەنشینێن سەربازی
هەنە.