PM:12:03:20/02/2025
328 جار خوێندراوەتەوە
+
-
ئەندامەکێ مەکتەب سیاسیا
پارتی ڕاگەهاند، دگەل یەکێتی دا گەهشتینە ئەنجامێن گەلەک باش و پێشکەفتی لسەر
بەرنامەیێ پێکئینانا حکومەتێ، دبێژیت ژی، ئەو و یەکێتی ل ئێکودوو تێکدگەهن و ئەڤ
چەندە ب ئالیێن دی ژی هاتیە گوتن کو مەسەلەیا وان و یەکێتی 50 ب 50 نینە، ئەنجامێ
هەلبژارتنێ یێ زەلال و ئەشکرایە، ئانکو حکومەتێ دگەل یەکێتی دا 50 ب 50 دابەش
ناکەن.
ئەڤرۆ پێنجشەمبی، هوشیار
زێباری ئەندامێ مەکتەب سیاسیا پارتی د مەراسیمەکا حزبا خۆ دا ڕاگەهاند، گوتوبێژێن وان
یێن سەرەکی دگەل یەکێتی دایە، تا نها حەفت هەشت کۆمبوون هاتینەکرن دگەل یەکێتی دا
و گەهشتینە ئەنجامێن گەلەک باش و پێشکەفتی لسەر بەرنامەیێ پێکئینانا حکومەتێ.
بەحسا وێ یەکێ ژی کر،
دگەل یەکێتی دا گەهشتینە گەلەک پێشکەفتی بۆ پێکئینانا حکومەتێ، ئانکو چاڤەرێنە ل ڤان
چەند رۆژان لسەر ئاستێ شاندێن دانوستاندکار کۆمبن نەکو لژنەیێن تەکنیکی.
ئاماژە ب وێ یەکێ ژی کر،
دشێن بێژین 90% رێکەفتن هاتیەکرن، لێ لسەر نەهـ مژارێن دی ماینە گوتوبێژ ب داوی
بهێن و ئاریشەیێن ل هەمبەر پێکئینانا حکومەتێ تەمام بن.
زەلال ژی کر، ئەو و
یەکێتی ل ئێکودوو تێکدگەهن و بێ گومان ئەو چەندە ب ئالیێن دی ژی هاتیە گوتن کو
مەسەلەیا 50 ب 50 نامینیت و ئەنجامێ هەلبژارتنێ زەلال و ئەشکرایە.