PM:07:18:19/02/2025
416 جار خوێندراوەتەوە
+
-
جڤاتا وەزیرێن هەرێمێ د کۆمبوونا
ئاساییا خودا یا ئەڤڕۆ پشتەڤانیا خۆ بۆ جووتیارێن کورد ل کەرکوکێ دووپاتکر و
دەربارێ پەترۆلا هەرێمێ راگەهاند، داخاز دکەین ب زووترین دەم هناردەکرنا پەترۆلا
هەرێمێ دەستپێبکەت.
ئەڤڕۆ چارشەمبی ١٩ـێ شوباتێ، حکومەتا ڕێڤەبرنا کارێن هەرێمێ
راگەهاندنەک بەلاڤکر و تێدا هاتییە، ب سەرپەرشتیا مەسرور بارزانی سەرۆکێ حکومەتا
ڕێڤەبرنا کارێن هەرێمێ و قوباد تالەبانی جێگرێ سەرۆکێ حکومەتا ڕێڤەبرنا کارێن
هەرێمێ، جڤاتا وەزیرێن هەرێمێ گۆبووبێژ لسەر ئاریشەیا جووتیارێن سنوورێ کەرکوک و
بابەتێ هەڤبەندی دگەل حکومەتا عێراقێ و هەرێمێ کرن.
د کۆمبوونێ دا بەحسا وێیەکێ ژی
هاتیەکر، ئەو ڕەفتارێن ل هەمبەر جووتیارێن سنوورێ کەرکوکێ هاتییە کرن کارەکێ
نەیاسایی و نەدەستووری یە و پێدڤیە جووتیار ب ئازادانە مافێ کێلان و مفا وەرگرتن ژ
مۆلکێ خۆ هەبیت.
ئاماژە ب وێیەکێ ژیکریە، جڤاتا وەزیران
تەکەز لسەر وێیەکێ دکەت کو هەرێمێ دڤێت ب زووترین دەم هناردەکرنا پەترۆلا هەرێمێ
دەستێبکەت و ئەڤەژی ژ بەرژەوەندییا هەمی ئالییان دایە، ژبەرکو ژبەر راگرتنا
پەترۆلا هەرێمێ ل هەیڤا ئادارا ٢٠٢٣ێ، چەندین ملیار دۆلار زیان بەر داهاتێ گشتیێ
عێراقێ گەهشتییە.
هەڤدەم، وەزیرێ سامانێن سروشتی هاتە
ئەرکدارکرن، لسەر رێکار و میکانیزمێن دەستپێکرنا پەترۆلا هەرێمێ دگەل وەزارەتا پەترۆلا
عێراقێ هەڤکار و هەڤبەند و بەردەوام بن، ب تایبەتی کو نوکە یاسا کەفتییە بیاڤێ
جێبەجێکرنێ دا و رێگیرییا یاسایی ل هەمبەر پرۆسەیێ نەمایە.