AM:10:52:19/02/2025
3884 جار خوێندراوەتەوە
+
-
درەنگیا شەڤا
دەربازبووی ژ ئەنجامێ لایفەکێ تۆرا جڤاکیا فیسبووکێ شەر دناڤبەرا چەند گەنجێن شێلادزێ
و کومەلگەها هێتیت رویدابوو.
ئەڤرۆ
چارشەمبی، دیدەڤانەکی بۆ ئێن ئاڕ تی ڕاگەهاند، ژ ئەنجامێ لایفەکێ ل تۆرا جڤاکیا فیسبووکێ
کو کەسەکێ کومەلگەها هێتیت ئاخفتنێن نە ژ هەژی گوتینە بەشەکا خەلکی، ژبەر وێ چەندێ
هژمارەکا گەنجان چووینە کومەلگەها ناڤبری و تەقەکریە لدویڤدا ب بەر و داران ب شەڕ چووینە.
ئاماژە ب وێ
یەکێ ژی کر، د نها دا بابەت بێدەنگبوویە و رەوش ئارام بوویە، بەشەکا ئالیێن شەڕ
کرین ب سفکی برینداربووینە.
ئەڤە د دەمەکی
دایە، هەیاما سێ روژان بوو وەلاتیێن کومەلگەها هێتیت وەکو نەرازیبون هەمبەر گۆهرینا
ناڤێ نەخوشخانەیا هێتیت بو نەخوشخانەیا شورەش هێتیت رێکا وێ نەخوشخانێ گرتینە و
ژبەر وێ چەندێ د تورێن جڤاکی دا دەنگڤەدان هەبووینە و هندەک ئاخفتنێن باش و خراب و
بوویە ئەگەرێ دلگرانیا بەشەکا خەلکی.