PM:08:34:18/02/2025
80 جار خوێندراوەتەوە
+
-
سەرۆکێ لژنەیا دارایی ل
پەرلەمانێ عێراقێ راگەهاند، مووچەخۆران پشتڕاست دکەین کو هەمی مووچەیێ وان هاتییە
دابینکرن و بتنێ داهاتێ پەترۆلێ و دۆلاری بەسە بۆ دابینکرنا مووچەی. دبێژیت ژی، چ
بەنکەکا عێراقی سزایێ یاسایی بسەردا نەهاتییە سەپاندن.
ئەڤڕۆ سێشەمبی ١٨ـێ شوباتێ، عەتوان عەتوانی سەرۆکێ لژنەیا
دارایی ل پەرلەمانێ عێراقێ بۆ ئێن ئاڕ تی راگەهاند، هەوە پشتڕاست دکەین مووچە
هاتیە دابینکرن و چ دلگرانییەک نەڤێت بتنێ داهاتێ پەترۆلێ و دۆلاری بەسە بۆ دابینکرنا
پارەیێ مووچەی و هێشتا زێدە ژی دکەت.
سەرۆکێ لژنەیا دارایی ل پەرلەمانێ
عێراقێ ئاماژە ب وێیەکێ ژیکر، چەندین ژێدەرێن دی هەنە کو دشێن کورتئینانێ پێ تژی
بکەین.
دەربارێ سزادانا بەنکێن
عێراقێ بەحسا وێیەکێ کر، چ بەنکەکا عێراقێ سزایێ یاسایی بسەردا نەهاتییە سەپاندن و
وان نووچەیان رەت دکەین.