PM:07:47:18/02/2025
636 جار خوێندراوەتەوە
+
-
ئەڤڕۆ سێشەمبی ١٨ـێ
شوباتێ، رێڤەبەریا بازرگانی و ئاهێن خارنێ ل دهۆکێ راگەهاند، داخازێ ژ شوینکارێن
بنگەهێن (٢٣١، ٢٣٢) ل ناڤ سەنتەرێ پارێزگەها دهۆکێ دکەین ب زووترین دەم و بێ
گیروبوون ل رۆژا پێنجشەمبی ٢٠ێ ڤێ هەیڤێ، سەرەدانا ڕێڤەبەریا ئاهێن خارنێ بکەن.
ئاماژە ب وێیەکێ ژیکر، مەرەم
ژ سەرەدانیکرنا شوینکاران بۆ ئەداکرنا پارەیێ سەبەتا ئاهێن خارنێ یە بۆ هەیڤا ئێک
یا سالا ٢٠٢٥ێ. گوت ژی، پشتی ئەداکرنا پارەی ئێکسەر سەبەتا خارنێ بۆ وان شوینکاران
دێ هێتە دابینکرن.
ئەو یەکژی بەرچاڤکر،
سەبەتا خارنێ بۆ هەیڤا ئێک پێکدهێت ژ؛ ئێک لیتر زەیت، سێ کیلۆگرامێن برنجی، ئێک
کیلۆگراما شەکرێ، ٤٠٠ گرامێن ئاڤا تەماتێ، ٢٥٠ گرامێن نۆکا، ٢٥٠ گرامێن نیسکا، ٢٥٠
گرامێن ئالینۆکا، ٢٥٠ گرامێن فاسۆلیا.
راگەهاند ژی، داخازێ ژ
وان شوینکاران دکەین یێن وێنەیێ خۆ یێ کەسایەتی نەئینای، وێنەیەکی دگەل خۆ بینیت ب
مەرەما دروستکرنا ناسنامەیا شوینکاریێ ژلایێ بنگەهێ گشتی ل بەغدا.