PM:05:06:18/02/2025
1284 جار خوێندراوەتەوە
+
-
جڤاتا وەزیرێن عێراقێ راگەهاند،
بڕیار هاتەدان زێدەتری پێنج هزار سێ ئێکەمێن زانکۆ و پەیمانەگەهان دگەل خودان باوەڕنامەیێن
بلند بهێنە دامەزراندن.
ئەڤڕۆ سێشەمبی ١٨ـی
شوباتێ، جڤاتا وەزیرێن عێراقێ راگەهاند، بڕیار هاتەدان پێنج هزار و ٩٠٣ ئێکەمێن
زانکۆ و پەیمانگەهان دگەل خودان باوەڕنامەیێن بلند بهێنە دامەزراندن.
ئەڤە دەمەکی دایە، ل
سالا ٢٠١٧ێ ڤە تا نوکە ب هێجەتا قەیرانا دارایی حکومەتا ڕێڤەبرنا کارێن هەرێمێ دامەزراندنا
سێ ئێکەمێن زانکۆ و پەیمانگەهان ل هەرێمێ ڕاگرتییە، دڤی هەیامی دا سێ ئێکەمێن زانکۆ و پەیمانگەهان ٤١ جاران ل هەمبەر جڤاتا وەزیرێن هەرێمێ خڕڤەبووینە و داخازا دامەزراندنێ کریە، لێ تا نوکە سەرۆکێ حکومەتا ڕێڤەبرنا کارێن هەرێمێ و وەزیرێ خاندنا بلند و بەرپرسێن دی ل ئاست داخازیێن وان بێ دەنگن.
ل هەرێما کوردستانێ زێدەتری
١٠ هزار سێ ئێکەمێن زانکۆ وپەیمانگەهان
یێن نەدامەزراندی هەنە، ئەڤە دەمەکی دایە نێزیکی ٨ هەیڤانە بایۆمەتری ئەنجام دایە،
لێ تا نوکە بڕیارا دامەزراندنا وان ناهاتییە دان.