PM:08:11:21/01/2025
1128 جار خوێندراوەتەوە
+
-
دەمەکی بەری نوکە ل گوندەکێ نێزیک ناحیا رۆڤیا تەقە ل کەسەکی هاتە کرن، د ئەنجام دا ب دوو گوللـەیان هاتە بریندار کرن.
ئەڤڕۆ سێشەمبی ٢١ـێ
کانوونا دووێ، ل گوندەکێ سەر ب ناحیا رۆڤیا ژلایێ شەش کەسان ڤە تەقە ل کەسەکی هاتیە کرن، د ئەنجام دا
دوو گوللـە بەر دەست و پیێ وی کەفتینە بریندار بوو و نوکە هاتیە ڤەگوهاستن بۆ نەخۆشخانەیا
هەوارهاتنا دهۆک.
لسەر ڤێ بوویەرێ برایەکێ
کەسێ بریندار بووی بۆ ئێن ئاڕ تی راگەهاند، ئەو کەسێ تەقە کری برایێ مەزن یێ (بشار ئاغا) سەرۆکێ عەشیرەتا گۆرانە یە و خۆ ب
کەسەکێ بێ منەت ددەتە نیاسین.
ئەو یەکژی بەرچاڤکر، ئەگەرێ
بوویەرێ ئەوە مە هندەک عەرد لسەر جاددەیێ هەیە، کو بهایێ ئێک پارچەیا عەردی
دگەهیتە ١٥ هزار دۆلاران، لێ وان دڤێت ب دوو هزار دۆلاران ژ مەبستینن و بکەنە پرۆژە.
ئاماژە ب وێیەکێ ژیکر، مە
ئیجازەیا ئەنجام دانا پرۆژەی لسەر عەردێ خۆ هەیە، لێ وان کەسێن تەقە ل برایێ من
کری دگەل بەرپرسێن دهۆکێ ڕێککەفتینە کو ڕێگیریێ ل مە دکەن ئەم پرۆژەیان لسەر عەردێ
خۆ دروست بکەین، لێ دروستکرنا پرۆژەیان بۆ وان چ ئاریشە نینە و دروستە.
راگەهاند ژی، دوو
ترۆمبێل ب شەش کەسان ڤە چووینە بەراهیا برایێ من و تەقە ل ترۆمبێلا برایێ من کریە،
د ئەنجام دا شەش گووللـە بەر ترۆمبێلا برایێ من کەفتینە و دوو گوللـە ژی بەر برایێ
من کەفتینە.
گوت ژی، هێزێن ئەولەهیێ
ب مە راگەهاند ئەم چووینە مالێن تۆهمەتباران، لێ کەس ل وێرێ نەبوو.