AM:10:55:21/01/2025
1184 جار خوێندراوەتەوە
+
-
گوتوبێژێن چارەسەرکرنا ئاریشەیا
مووچەیێ هەیڤا 12 دناڤبەرا شاندێ هەرێم و حکومەتا عێڕاقێ دا ل هەولێرێ دەستپێکر و لدویف
زانیاریان، بەحس ل چارەنڤیسێ مووچەیێن ئەڤسالە ژی دکەن.
ئەڤرۆ سێشەمبی، لدویف
زانیاریێن دیجیتال میدیایا ئێن ئاڕ تی، پشتی ڤەگەریانا شاندێ هەرێمێ ل بەغدا،
شاندەکێ عێراقێ گەهشتە هەرێمێ بۆ گوتوبێژکرنا پرسا مووچەی دگەل بەرپرسێن حکومەتا رێڤەبرنا
کاران.
هەڤدەم، د کۆمبوونێ دا بەحس
ل مووچەیێ هەیڤا 12 دهێتەکرن و پرسا مووجەیێن هەیڤێن ئەڤسالە دهێنە گوتوبیژکرن.
لدویف زانیاریان، تا نها
پرسا مووچەیێ هەیڤا 12 یێ سالا دەربازبووی دناڤبەرا هەرێم و بەغدا دا ب نەزەلالی
مایە، ژبەرکو بەغدا دبێژیت وان پارەیێ پێدڤی بۆ مووچەیێ هەر 12 هەیڤێن سالا 2024ـێ
هنارتیە و حکومەتا رێڤەبرنا کارێن هەرێمێ بەرپرسە ل دابەش نەکرنا مووچەی، حکومەتا رێڤەبرنا
کاران ژی دبێژیت بۆ مووچەیێ هەیڤا 12 وان بتنێ 264 ملیار دینار لبەردەستن و وان
کورتئینان هەیە.