PM:06:09:18/01/2025
672 جار خوێندراوەتەوە
+
-
سەرۆکێ ڤەلڤینا نەوەی نوێ راگەهاند، ب چ ئاوایەکێ
پشکداریا حکومەتەکێ ناکەن ئەگەر نەشێن وان سۆزێن بەری هەلبژارتنێ داینە وەلاتیان جێبەجێ
بکەن.
ئەڤرۆ شەمبی، فراکسیۆنا نەوەی نوێ لسەر ئاستێ سەرۆکایەتی
و فراکسیۆنان کۆمبوو و د کۆنگرەیەکا رۆژنامەڤانی دا شاسوار عەبدولواحید سەرۆکێ
ڤەلڤینا نەوەی نوێ راگەهاند، د ڤێ رەوشێ دا پشکداریا حکومەتێ ناکەن و دێ وەکی و
ئۆپۆزسیۆن مینن.
ئاماژە ب وێیەکێ ژیکر، لایەنێن
دەرڤەی پارتی لسەر سەرۆک وەزیرانەکێ رێکبکەڤن ئەم دێ دەنگی پێ دەین.
ئەو یەکژی بەرچاڤکر، کو
ئەگەر تا رۆژا چارشەمبی روینشتنا پەرلەمانی برێڤەنەچیت ل وی دەمی سەرۆکێ تەمەنێ
پەرلەمانی کو ژ نەوەی نوێ یە دێ دەست ژ ئیدارەدانا روینشتنا ئێکێ یا پەرلەمانی ڤەکێشیت
و دێ وەک پەرلەمانتار مینن و گوت ژی، "هەر تشتەکێ یاسایی رویبدەت پارتی و یەکێتی
پێ بەرپرسن".
هەڤدەم سەرۆکێ ڤەلڤینا
نەوەی نوێ گوت ژی، پارتی ب وان گوتیە ژبلی پۆستێ سەرۆکێ حکومەتێ و سەرۆکێ هەرێمێ هەمی
پۆست و دەستهەلاتەک شەهنێ گەنگەشەکرنێ نە.