سەرۆکێ جڤاتا ڕاژەیا عێراقێ ب مەرەما دامەزراندنا سێ ئێکەمێن زانکۆ و پەیمانگەهان دێ سەردانا هەرێما کوردستانێ کەت

PM:02:02:26/12/2024

336 جار خوێندراوەتەوە

+ -

ئەڤڕۆ پێنجشەمبی ٢٦ـی کانوونا ئێکێ، ڕێبوار ئەوڕەحمان پەرلەمانتارێ فراکسیۆنا نەوەی نوێ دگەل نوینەرێ سێ ئێکەمێن زانکۆ و پەیمانگەهان دگەل نوینەرێ خودان باوەڕنامەیێن بلند ب مەرەما دیڤچوونێ بۆ بابەتێ دامەزراندنێ، سەرەدانا مەحمود تەمیمی سەرۆکێ جڤاتا ڕاژەیا عیراقێ کر.

د وێ سەرەدانێ دا، سەرۆکێ جڤاتا ڕاژەیا عێراقێ راگەهاند، رۆژا ٩ێ هەیڤا ئێک دێ سەردانا هەرێما کوردستانێ کەت و دگەل نوینەرێن سێ ئێکەمێن زانکۆ و پەیمانگەهان و خودان باوەڕنامەیێن بلند، دگەل وەزارەتا خاندنا بلند و جڤاتا ڕاژەیا هەرێمێ ب مەرەما دامەزراندنێ دێ کۆمبن.

نوینەرێ سێ ئێکەمێن زانکۆ و پەیمانگەهان بۆ ئێن ئاڕ تی راگەهاند، بەری نوکە ل هەرێمێ بمە هاتە راگەهاندن کو ناڤێ ١٢ هزار ئێکەمان بۆ بەغدا هاتینە هنارتن، لێ سەرۆکێ جڤاتا ڕاژەیا عێراقێ ئاماژە ب وێیەکێ دا، بتنێ ناڤێن سێ هزار کەسان هاتینە هنارتن.

هەروەسا نوینەرێ باوەڕنامەیێن بلند بۆ ئێن ئاڕ تی راگەهاند، سەرۆکێ جڤاتا راژەیا عێراقێ گوت؛ ئەگەر هەرێم نەشێت لسەر بودجەیێ خۆ هەوە دابمەزرینیت، ئەڤە ئەم دێ هەوە ل دەڤەرێن دەرڤەی ئیدارەیا هەرێمێ دامەزرینین.

هەڤدەم، ڕێبوار ئەوڕەحمان پەرلەمانتارێ نەوەی نوێ راگەهاند، سەردانیکرنا سێ ئێکەمێن زانکۆ و پەیمانگەهان دگەل خودان باوەڕنامەیێن بلند بۆ بەغدا ب مەرەما دامەزراندنێ، ڕامانا شکستا پارتی و یەکێتی دگەهینیت، ژبەرکو نەشیاینە وان دابمەزرینیت.

ئەو یەکژی بەرچاڤکر، نەوەی نوێ بەردەوام دگەل ڤێ کەیسێ بوویە، ژ نها پێدا ژی دێ بەردەوام بن ژ بزاڤێن خۆ تا دگەهیتە ئەنجام و دهێنە دامەزراندن. دبێژیت ژی، ئەرکێ حکومەتێ یە بەشەکا خاندەکاران دابمەزرینیت و دەلیڤەیێن کاری بۆ وان ببینیت یێن نەهێنە دامەزراندن.

ئەڤە دەمەکی دایە، ل سالا ٢٠١٧ێ تا نها ب بڕیارا حکومەتا هەرێمێ دامەزراندنا سێ ئێکەمێن زانکۆ و پەیمانگەهان هاتییە ڕاگرتن، هەروەسا پشتی زێدەتر ٣٥ جاران ژ ئەنجام دانا خۆنیشاندانان ل هەمبەر جڤاتا وەزیرێن هەرێما کوردستانێ، لێ تا نها سەرۆکێ حکومەتا ڕێڤەبرنا کاران چ بەرسڤەکا ئەرێنێ ب وان نەدایە و بێ دەنگی هەلبژارتییە، ز‌ێدەباری هندێ کو دەمێ چەندین هەیڤانە بایۆمەتری ئەنجام دایە.