PM:06:03:09/12/2024
328 جار خوێندراوەتەوە
+
-
شاندێ بلندێ یونامی بۆ
نەوەی نوێ بەحسا پێکئینانا کابینەیا ١٠ـێ یا حکومەتا هەرێمێ کر و نەوەی نوێ ژی
پرۆژەیێ خۆ بۆ وێ شاندێ بەرچاڤ کر.
ئەڤرۆ دووشەمبی، ل باژێرێ هەولێرێ شاندەکێ بلندێ یونامی
ب سەرۆکایەتیا (فڕانسیسک ڕیفولتولا ناو) بەرپرسێ نڤیسینگەهێ و هەڤبەندکارێ ئاسایشێ
ل هەرێما کوردستانێ سەردانا نەوەی نوێ کر.
د وێ دیدارێ دا بەحسا
هەلبژارتنا پەرلەمانێ کوردستانێ و پێکئینانا کابینەیا دەهێ یا حکومەتا هەرێمێ هاتە
کرن.
دەربارێ پەرلەمانی ژی
نەوەی نوێ تەکەزی ل وێیەکێ کر کو پێدڤیە ب زویترین دەم رێکارێن یاسایێن روینشتنا
ئێکێ یا پەرلەمانی بهێنە تەمامکرن و دەستەیا سەرۆکایەتیا پەرلەمانی بهێتە
هەلبژارتن دا کو پەرلەمان ئەرکێ یاسایی و چاڤدێریا خۆ دەستپێ بکەت.
هەروەسا دەربارێ پێکئینانا
کابینەیا دەهێ یا حکومەتا هەرێمێ نەوەی نوێ ب هویری پرۆژەیێ خۆ بۆ وێ شاندێ
بەرچاڤکر کو ئەو پرۆژەیە دێ بیتە سەدەمێ گۆهرینان د سیستەمێ حوکمڕانیێ دا.