PM:07:52:01/11/2021
1316 جار خوێندراوەتەوە
+
-
وەزارەتا کارەبا هەرێمێ ڕاگەهاند، نها
دناڤبەرا ١٧-١٨ دەمژمێران دا کارەبێ ب وەلاتیان ددەین و "دێ بزاڤان کەین لسەر
ڤێ ڕەوشا باشبوویا کارەبێ بەردەوامبین".
کامل قەزاز بریکارێ وەزارەتا کارەبا هەرێمێ
ڕاگەهاند، سێ دەمژمێر و نیڤان دەمێ پێدانا کارەبێ زێدەبوویە و نها دناڤبەرا ١٧ بۆ
١٨ دەمژمێران کارەب ب وەلاتیان دهێتەدان و دێ بزاڤان کەین د وەرزێ زڤستانێ دا لسەر
ڤێ باشبوونا ڕەوشا کارەبێ بەردەوامبین".
بەحسا وێیەکێ ژی کر، "ژێرخانا
بەرهەمئینانا کارەبا هەرێمێ شەش هزار و
٩٠٠ مێگاواتە، لێ ژبەر نەبوونا سوتەمەنیێ سێ هزار و ٥٠٠ هەیا سێ هزار و ٨٠٠ دهێنە
بەرهەم ئینان".
ئاماژە ب وێیەکێ ژی کر، "زێدەر ژی (١.٢١.٠٠٠)
پیڤەرێن زیرەک لسەرانسەری هەرێما کوردستانێ هاتینە گرێدان، کو دکەنە ٦٨%ێ"،
دبێژیت ژی، "ملیۆنەک و ٥٠٠ هزار پیڤەرێن زیرەک ب کوژمێ ٢٥٣ ملیۆن دۆلاران بۆ
گرێدانا پیڤەرێ زیرەک بۆ هەڤبەشێن کارەبێدێ هێنە دابینکرن".
کامل قەزاز بەحسا وێیەکێ ژی کر، "هەیا
نها د قوناغا ئێکێ دا، ٣٥٠ هزار پیڤەرێن زیرەک ب پرۆسەیا لینکینگ ئێخستینەکاری و ل دیڤ
ئەڤی پیڤەری، کارەبا هەڤبەشا دخوینیت".
وەزارەتا کارەبا هەرێم دبێژیت، پیڤەرێن زیرەک
ئەڤ مفایە هەبوون:
- کارەبێ کۆنترۆل دکەت.
- زێدەگاڤیان بۆ سەر تۆرێن کارەبێ
چارەسەردکەت.
- بۆ خاندنا پیڤەرێن کارەبێ ناچینە ناڤ مالان
و مەهانە پسۆلا کارەبێ دهێتە چاپکرنو ب هەڤبەشێ کارەبێ دهێتە دان.
- سیستەمێکارەبێ سەقامگیر دکەت.
- گوهۆرینا کارەبێ ب تایبەتی د زڤستانێ دا ژ
شەوتین و دەستکاریکرنێ دپارێزیت.
- شیانێن سنوردارکرنا رێژا پێدانا ئەمپێرێن
کارەبێ هەیە.
سالانە، ل وەرزێن سەرما و گەرمێ دا، رێژا
پێدانا دەمژمێرێن کارەبێ ل هەرێما کوردستانێ بەرەڤ کێمبوونەکا بەرچاڤ دچن و ب
دەربازبوونا چەندین کابینەیێن حکومەتا هەرێمێ و پشتی چەندین سوزان بۆ چارەسەرکرنێ، هێشتا پرۆسەیا پێدانا کارەبا
نشتیمانی ب وەلاتیێن هەرێمێ د ئاستێ داخازیا وان دا نینە.