PM:07:43:01/11/2021
568 جار خوێندراوەتەوە
+
-
نەخۆشخانەکا هەولێرێ ژبۆی کو تەرمەکی بدەنە دەست کەسوکارێن وی کو ژبەر
تووشبوون ب ڤایرۆسا کۆرۆنایێ ژیانا خۆ ژدەستدابوو، داخازا ١٠ ملیۆن دیناران ژوان کریە،
دبێژیت ژی، "بۆ ٣٢ ڕ ۆژان نڤاندنا نەخۆشێ وان ٣٥ ملیۆن دینار ژێ وەرگرتینە".
کەسووکارێن وی نەخۆشی خڕڤەبووینە و بەحسا وێچەندێ دکەن، نەخۆشێ وان ٣٢
ڕۆژان دوێ نەخۆشخانا نەحکومی "ئەهلی" دابوویە و ٣٥ ملیۆن دینار داینە
نەخۆشخانێ، وەکی دبێژن، ب بهایێ ١٠ ملیون دیناران دەرمان ژ دەرڤەی نەخۆشخانێ بۆکڕینە.
داخاز ژی دکەن، حکومەت دگەل وان دابیت و ڤەکۆلینێ لسەرڤێ ئاریشێ بکەت، ژبەرکو
کوژمەکێ زۆرێ پاران دایە نهاژی بتنێ بۆ وەرگرتنا تەرمێ وی داخازا ١٠ ملیۆن دینارێن
دی لێ دکەن.
ئەویەکژی زەلالکر، نەخۆشێ وان تووشی نەخۆشیا ڤایرۆسا کۆرۆنایێ بوویە و د ژیێ
٦٥ سالیێ دابوویە، د دەمێ دەربازبوویدا و"دەمێ ٣٢ ڕۆژانە ل نەخۆشخانێ هێلایە
و، بەرپرسێن نەخۆشخانێ ژی دبێژنە وان، دکارن بتنێ ب بهایێ ٢٥% داشکاندنێ بۆبکەن".
ئێک ژکەسوکارێن وی کەسێ ژیانا خۆ ژدەستدای، پسولەیا پاران ڤێ بوویە و بۆ
ئێن ئاڕ تی ڕاگەهاندیە، "ژکیڤە داعشانژی ئەڤکارە دگەل خەلکی کریە؟".
کەسوکارێن وی دپرسن، "د چ هەتێلەکا پێشکەفتیا جیهانێ ژیدا مانەڤەیا
شەڤەکێ ب ٩٠٠ هزار دینارانە؟ " ئەوژیدا دیارکرن، " ئەو تەرمێ وی
وەرناگرنەڤە بلا ل نەخۆشخانێ بیت.
ئەڤەژی د دەمەکیدایە، پشکەکا زۆر ژ وەلاتیێن هەرێمێ دنهادا بدەست زێدەبوونا
نەخۆشخانەیێن نەحکومی و کلینیکێن پزیشکی دنالن و گلەیا وێ چەندێ هەیە، ل پشکەکا
نەخۆشخانەیێن حکومی گرنگیەکا تەمام ب وەلاتیان نادەن و ژبەرهندێ نەچارن بۆ ئەنجامدانا
پشکنینان سەرەدانا نەخۆشخانە و کلینیکێن نەحکومی بکەن، لێ ئەڤێ چەندێژی پارەیەکێ
زۆر دڤێت.