PM:07:29:01/11/2021
872 جار خوێندراوەتەوە
+
-
پارێزگارێ هەولێرێ ڕاگەهاند، بسەدەما لەهیا
چەند رۆژێن دەربازبووی ل وی باژێری ناڤ مالی و کەلوپەلێن٥٠٠ خێزانان ژناڤچوون و
١٣٠ ترۆمبێل کەفتنە بەر لەهیێ و ژ کارکەفتن.
پشتی وێیەکێ ل رۆژا شەمبیێ، ب سەدەما بارینا
پێلەکا بارانا بهێز لەهی ل بەشەک ژ باژێرێ هەولێرێ دروستبوو، ئومێد خۆشناو
پارێزگارێ هەولێرێ ڕاگەهاند، بۆ زانین و دەرخستنا رێژا وان زیانێن ب سەدەما لەهیێ
بەر ب وەلاتیان کەفتین، چەند لژنەیەک هاتینە پێکئینان و دەرئەنجام و زەرەر و زیان
ب ڤی ئاوای هاتینە دیارکرن:
ئێک/ ناڤ مالی و کەلوپەلێن ٥٠٠ خێزانان ب
تەمامی ژناڤچووینە.
دوو/ ١٣٠ تررۆمبێل بەر لەهیێ کەفتینە و ژ کاری
کەفتنە.
سێ/ زیان بەر ١٢٧ خانیان کەفتنە.
چار/ زیان بەر دوو قوتابخانە و چەند پرۆژەیێن
دروستکرنا جاددە و تۆڕێن کارەبێ و ئاڤ و ئاڤەرۆیان کەفتنە.
پێنج/ چ زیانێن گیانی نەبووینە.
ئەوژی د دەمەکێ دایە، رۆژا شەمبیێ، پێلەکا
بهێزا بارانبارین و گژلوکێ ل هندەک دەڤەرێن هەرێمێ باری، ئەڤەژی بوو سەدەمێ
سەرهلدانا لەهیەکا مەزن ل بەشەک ژ باژێر و باژارۆکان، ب تایبەتی ل هەولێرێ و ب وێ
سەدەمێ ژی رۆژا ئێکشەمبێ ل وێ پارێزگەهێ کرنە بێهنڤەدانا فەرمی.