PM:04:47:01/11/2021
812 جار خوێندراوەتەوە
+
-
پۆلیسێن بەرازیل ڕاگەهاند، د ئەنجامێ شەڕەکێ دناڤبەرا
پۆلیس و گرۆپەکێ چەکداریدا ل ویلایەتا میناس جیرایس ل باشورێ رۆژهەلاتا وی وەلاتی
٢٥ کەس هاتن کوشتن.
پۆلیسێن بەرازیل ئاماژە ب وێیەکێ ژی کرن، د
روویدانێ دا ٢٥ کەس ژ گرۆپێ چەکداری هاتن کوشتن و چ کەس ژی بریندارنەبوون.
بەحسا وێیەکێ ژی کر، گۆمان دهێتەکرن چەکدار
سەر ب گرۆپەکێ نە کو پیشەیا وان هێرشکرنا سەر بەنکا و بڕینا بەنکا بوویە.
ئێڤاریا دوهی ژی پۆلیس و پۆلیسێن هاتن و
چوونا بەرازیل د کۆنفڕانسەکێ هەڤبەشدا ئاماژە ب وێیەکێ کرن، کو پێکدادانەکێ دا ٢٠
کەس هاتن کوشتن.
بەحسا وێیەکێ ژی کر، ل دەڤەرا فارگینیا ل
بەرازیل، هەلمەتەک ئەنجامداینە و هێزێن ئەولەهیێ ژی شیاینە ل دوو کێلگەهێن جودا دا
رووبروویێ گرۆپەکێ چەکداری ببن کو تایبەتمەندبوون لسەر هێرشکرنا سەر بەنک و
بسەرکەتنا بسەر دیوارێن بەنکاندا.
پۆلیس دبێژن ژی، گرۆپی پلان دانا بوو بچنە سەر
لقێن ئێک ژ بەنکێن ل وێ دەڤەرێ و ل ئێک ژ کێلگەهاندا ١٨ کەس هاتن کوشتن، لێ ژ
رێزێن پۆلیسان چ کەس هەیا بتنێ بریندارژی نەبوون.
پۆلیسان بەحسا وێیەکێ ژی کر، د هەلمەتا
هێرشکرنا سەر کێلگەهەکێ دا دەست ب سەر هەژمارەکا چەکێ نارنجوکێن دەستی و گولە نەبر
و گولە و چەند ترۆمبێلێن دزیێ دا بگرن.