PM:04:46:01/11/2021
1508 جار خوێندراوەتەوە
+
-
جڤاتا بلندا دادوەریا عێراقێ ڕاگەهاند، پشتی کو تۆمەتباران دانپێدانکری بکوشتنا
نووچەگەهانێ کەنالێ ئەسمانیێ دیجلە و کامیرەمانێ ئاژانساڕابتلیا روسی بمەرەما
دروستکرنا ئالۆزیان، دادگەها تاوانێن بەسرا سزایێ سێدارەدانێ بۆدەرئێخست.
ئەڤرۆ دووشەمبی، جڤاتا بلندا دادوەریا عێراقێ ڕاگەهاندنەک بەلاڤکر و
دناڤداهاتیە، دادگەها تاوانێن بەسرا سزایێ
سێدارەدانێ بۆ وی تۆمەتباری دەرێخست یێ کو ل خۆنیشاندانێن سالا دەربازبوویدا دوو
ڕۆژنامەڤان کوشتین.
د ڕاگەهاندنێدا هاتیە، تۆمەتباری دان بوێ چەندێ نایە کو هەرئێک ژ "ئەحمەد عەبدولسەمەد" نووچەگەهانێ کەنالێ ئەسمانیێ دیجلە و "سەفا
عەبدولحەمید" ێ کامێرەمانێ ئاژانسا نووچەیا ڕابتلیا روسی ل خوەنیشاندانێن
٢٠٢٠ ل پارێزگەها بەسرا کوشتیە.
ڕاگەهاندنا جڤاتا بلندا دادوەریێ ئاماژە بوێ چەندێژی کریە، تۆمەتباری دان
بوێ چەندێ نایە کو ئەوکارە دپێناڤی دروستکرنا تێکدان وئالۆزیێ کریە هەیاکو ترس
بچیتە دلێ خەلکی و کارێن تیرۆرستی بهێنە ئەنجامدان.
د داویا ڕاگەهاندنێدا هاتیە، سزا بپشت قایمکرن ب ماددێ چار/١ و ماددەێ دوو/١و٣ ێ
یاسایا دژەتیرۆرا ژمارە ١٣ی سالا ٢٠٠٥ هاتیە ئەنجامدان.
ئەڤە د دەمەکیدایە، سالا دەربازبووی ژ ئەنجامێ نەڕازیبوونا وەلاتیێن عێراقێ ل
باژێرێ بەسرا یا باشورێ ولاتی، وەکی بەغدا و چەند باژێرێن دی خۆنیشاندانا دەستپێکرن.
د دەمەکیدا هەرئێک ژ "ئەحمەد عەبدولسەلام" نووچەگەهانێ کەنالێ دیجلە یا
ئەسمانی و "سەفا عەبدولحەمید"ێ کامێرەمانێ ئاژانسا رابتلی روسیا مەیدانا
خۆنیشاندەران بجهـ دهێلیت و د دەنە بەردەستدرێژیا گولەیان دەملدەست ئەحمەد
عەبدولسەمەد ژیانا خۆ ژدەست د دەت و سەفا عەبدولحەمید بگرانی برینداردبیت و پشتی
چەند دەمژمێران ژ بوویەرێ ئەوژی ژیاناخۆ ژدەست د دەت.