PM:02:55:01/11/2021
1516 جار خوێندراوەتەوە
+
-
ئیلۆن مەسک بازرگان و ملیاردێرێ ئەمریکا ڕاگەهاند، ئامادەیە پشکێن خۆ ژ
کۆمپانیا تێسلا بفرۆشیت بئارمانجا پشتەڤانیکرن ژ نەهێلانا برسێتیێ ب مەرجەکی
نەتەوەیێن هەڤگرتی بسەلمینن کو ٢% سامانێ وی بەسە بۆ وی پڕۆژەی.
پشتی کو گۆڤارا فۆربسا ئەمریکی، ئیلۆن مەسکێ ملیاردێر و وەلاتیێ وی ولاتی بزەنگین ترین کەسێ جیهانێ بناڤبری، دەیڤد بیسلی ڕێڤەبەرێ بەرنامێ خارنا جیهانێ ل ێکخراوا نەتەوەیێن
هەڤگرتی ڕاگەهاند، بتنێ ب ٢% ێ سامانێ سەرمایەدارترین کەسێ جیهانێ دکاریت داویێ ب برسێتیێ
بئینیت ل جیهانێ.
ژلایێ خۆڤە، ئیلۆن مەسکی ڕاگەهاند، ئەگەر ئەو بەرپرسێ پرۆگرامێ خارنێ
ببەلگە بۆ وی بسەلمینیت کو ب ڕێژا ٢% ێ دکارین داویێ ب برسێتیێ بینین ل جیهانێ ، لوی
دەمی ئامادەیە پشکێن خۆ ل کۆمپانیا تێسلا
بفرۆشیت و بهایێ وێ کو دکەت شەش ملیار دۆلار ببەخشیت ب بەرنامێ خارنا جیهانێ.
دبێژیت ژی، پێتڤیە ئەوسەلماندنە بڕێیا پۆستەکێ تویتەری بیت.
ئاماژە بوێژی دایە، پێتڤیە نەتەوەیێن هەڤگرتی ئاشکەرا بکەن چەوا ئەوپارە دهێتە
مەزاختن "خەرجکرن" هەیاکو هەمی خەلک ئاگەهداربن.
ئەڤە د دەمەکیدایە، پێشبینی دهێتەکرن، سەروەتێ ئیلۆنی بگەهیتە ئێک ترلیون
دۆلاران، بڤێ چەندێژی دبیتە ئێکەم ترلیونێر د جیهانێ دا و ڕێزبەندیا ملیاردێریێ
دەربازدکەت. د نهادا سەروەتێ وی بریتیە ژ ٣٠٠ ملیار دۆلاران.