PM:02:54:01/11/2021
812 جار خوێندراوەتەوە
+
-
ڕێڤەبەریا
پۆلیسێن سلێمانیێ ڕاگەهاند، "ل سێ مەفرەزەیێن جودا یێن بنگەهێ پۆلیسێن
کوردسات، سێ تۆهمەتبار دەستەسەرکرن کو ئێک ژ وانا گەفێن بەلاڤکرنا ڤیدیۆ و وێنەیێن
نە ژهەژی ل کچەکێ کربوون".
ئەڤرۆ
دووشەمبی، ڕێڤەبەرێ پۆلیسێن سلێمانیێ د ڕاگەهاندنەکێدا ئاماژە ب وێیەکێ کر، "پشتی
سکالا ل بنگەهێ پۆلیسێن کوردسات هاتیە تۆمارکرن لسەر تۆهمەتباری کو گەفا بەلاڤکرنا
ڤیدیۆ و وێنەیێن نە جوان ل کچەکێ کرین، پۆلیسان ڤەکۆلین دەستپێکر".
لدویف
ڕاگەهاندنێ، "پشتی وەرگرتنا بڕیارا بەرێز دادوەری کارینە تۆهمەتبار (ص، م، ر)
لدویف ماددێ ٣٩٥ و ٤٣٢ دەستەسەربکەن و دەست بگرن بسەر تەڤایا وان ڤیدیۆ و وێنەیێن
نە ژهەژی کو لدەف تۆهمەتباری وەک گەف بکاردئینان".
ڕاگەهاندن
زەلالدکەت، "د دوو چالاکیێن دی دا مەفرەزەیێن بنگەهێ کوردسات دوو تۆهمەتبارێن
دی دەستەسەرکرن کو ئێک ژ تۆهمەتباران (ز، م، ح) ل دادگەها پێداچوونێن سلێمانیێ
فەرمانا گرتنێ هەبوو لدویف ماددێ ٤٥٦ ژ یاسایا سزایێن عێراقێ".
ئاماژە
ب وێیەکێ ژی کریە، "تۆهمەتبارێ دی ب ناڤێ (ح، ج، م) لسەر سکالایا ژنەکێ هاتیە
دەستەسەرکرن کو ب فێل ترۆمبێلا وێ بریە و فرۆتیە، د نهادا تۆهمەتبار ب بڕیارا
بەرێز دادەری لدویف ماددێ ٤٥٣ ژ یاسیایا سزایێن عێراقێ هاتیە ڕاگرتن و دەستبسەر
ترۆمبێلێ ژی دا هاتیە گرتن".