PM:12:42:01/11/2021
600 جار خوێندراوەتەوە
+
-
رێڤەرەریا چاڤدێریا
بازرگانیا سلێمانیی بۆ ئێن ئاڕ تی ڕاگەهاند، بتلێ غازێ بۆ فڕنێن نانی دێ ب شەش
هزاران دابین کەین و ئاریشا وان هاتە چارەسەرکرن.
ئەڤرۆ دووشەمبی،
سۆران غەفور ڕێڤەربەرێ چاڤدێریا بازرگانیا سلێمانی بۆ ئێن ئاڕ تی ڕاگەهاند،
"ئاریشا خودانێن فڕنێن نانی هاتەچارەسەرکرن و بتلێ غازێ دێ ب شەش هزاردیناران
بۆ دابین کەین".
ڕێڤەبەرێ چاڤدێریا
بازرگانیا سلێمانی بۆ ئێن ئاڕ تی ڕاگەهاند، بتلێ غازێ ب شەش هزار دیناران بۆ فڕنێن
نانی دابین دکەین و ٢٠% ێ بهایێ کارەبێ داکەتن بۆدهێتەکرن و ئاریشا وان هاتە
چارەسەرکرن.
دبێژیت ژی،
هەرفڕنەک ژئالیێ لژنەکێ ڤە کو ژئالیێ قایمقایمیەتێ و کۆمپانیا ساوس کوردستان، کو
غازێ دابین دکەن و چاڤدێریا بازرگانی و نوینەرێن فڕنێن نانی بهێتە پێک ئینان،
ڕۆژانە نزیکی نەهـ بتلێن غازێ بۆ خودانێن فڕنیێن نانی دهێنە دابینکرن لدیڤ
بەرفرەهیا فرنێن نانی دبیت.
دەربارێ گرانیا
گشکا و ژمارانانی ژی، ڕێڤەبەرێ چاڤدێریا بازرگانیا سلێمانیێ زەلالکر، پێتڤیە
گرانیا گشکان ژ ٩٠ بۆ ١٠٠ گرامان بیت و ٨ نان هەر ب هزار دیناران بن.
سۆران غەفوری
بەحسا وێیەکێ ژی کر، داخازێ ژ هەمی خودانێن فڕنێن نانی دکەین کو سەرەدانا کۆمپانیا
ئاری بکەن هەیاکو پسولەیێن تایبەت و ڕیکارێن وێ تەمامبکەن.
ئەڤە د دەمەکیدایە،
دووهی ئێکشەمبێ هندەک ژ خودانێن فرنێن نانی ل سلێمانی لبەردەریێ قایمقایمیەتێ
خرڤەبوون کرن ژبەر گرانیا بهایێ غازێ و ئاری خرڤەبوون و داخازا کێمکرنا بهایێن
وانکرن.
نوینەرێ خودانێن
فرنیان ل سلێمانیێ بۆ ئێن ئاڕ تی ڕاگەهاند، ئاریشا سەرەکیاوان گرانیا غازێ و
ئاریە، دبێژیت ژی، دنهادا بهایێ ئاری ٣٩ هەیا ٤٠ هزار دیناران بلندبوویە و ئەڤەژی
بهایەکێ زۆرە د دەمەکیدا د سالا دەربازبوویدا بهایێ ئاری ٢٥ هزاردینار بوون.
بەحسا وێیەکێ ژی کر،
پێشتر سۆزدابوو دوو کارگەهێن بەرهەمئینانا ئاری ل سلێمانیێ وهەولێرێ دروستبکەن، لێ بهایێ
ئارێ وان ژی هەروەکی بهایێ وی ئاریە یێ کو ژ تورکیا ب ٤١ هزار دیناران دهێت.