AM:08:17:15/11/2024
424 جار خوێندراوەتەوە
+
-
بهایێ پەترۆلێ
د بازارێن جیهانێ دا هاتیە خار و بەرمیلەکا پەترۆلا خاڤا برێنت ب ٧١ دۆلار و ٩٢ سەنتان
بازار پێ دهێتەکرن و هەڤبەر ب دوهی بهایێ وێ ١٠ سەنتان هاتیە خار.
ئەڤڕۆ ئەینی،
بهایێ بەرمیلەکا پەترۆلا رۆژئاڤایا تێکساس ب ٦٨ دۆلار و نەهـ سەنتان بازار پێ دهێتە
کرن، هەڤئاوایێ پەترۆلا برێنت هەڤبەر ب دوهی بهایێ وێ ژی هاتیە خار.
بەری نها، ئەندامێن
رێکخراوا ئۆپیک پلەس ژبەر دلگرانیا وان ژ خرابوونا ئاماژەیێن ئابووری و هاتنە خارا
بهایێ پەترۆلێ، زێدەکرنا بەرههەمئینانا پەترۆلێ بۆ مەهەکا دی پاشخست و بڕیارە د مەها
ئێک یا سالا بهێت دا دەست ب زێدەکرنا بەرهەمئینانا پەترۆلێ بکەن.
ئەڤەژی پشتی
وێ یەکێ دهێت، د جڤینا بەرێ یا رێکخراوێ دا بڕیاردابوو کو بەرهەمئینانا پەترۆلێ ل
مەها ١٢ یا ئەڤسالە نێزیکی ١٨٠ هزار بەرمیلێن دی د رۆژەکێ دا کێم بکەن.
ژلایەکێ دیڤە،
ئالۆزیێن سیاسی و چەکداریێن رۆژهەلاتا ناڤەڕاست و جەنگێ روسیا و ئۆکرانیا و شەڕێ غەززە
و لوبنان سەدەمەکێ دیێ نەبنەجهیا بهایێ پەترۆلێ یە.