PM:05:30:06/11/2024
776 جار خوێندراوەتەوە
+
-
گەهشتە خەونا خۆ و جارەکادی دێ بیتە سەرۆکێ ئەمریکا، لێ ئەرێ دێ شێت
بێ بەربەست، پرۆژە و پلانان جێبەجێ بکەت؟ ئەو هەلبژارتنا چاڤێ جیهانێ لسەر بوو ب
داوی هات و جارەکادی دۆنالد ترەمپ دێ بیتە سەرۆکێ ئێک ژ مەزنترین جەمسەرێن جیهانێ.
هەر چەندە وەسا
دەردکەفیت کو هەمی دەستهەلات و بڕیارێن گرنگێن ئەمریکا لدەف سەرۆکێ وی ولاتی نە،
تا رەت کرنا بڕیارێن سەرۆکی و لادانا پۆستێ وی ژی، د دەستهەلاتا کۆنگرێسێ وی ولاتی
دایە.
کۆنگرێس جڤاتا نوینەران و جڤاتا پیران پێک دئینیت و جودانە ژ هەڤدوو، هەبوونا
هەر دوو بەشان ژی گرنگن و سەرەکی نە د دانانا یاسایان دا و بێ هەڤدوو نەشێن کارێن
ئەمریکا برێڤەببەن، جڤاتا نوێنەران ژ ٤٣٥ ئەندامان پێکدهێت و جڤاتا پیران ژی
هژمارا وان ١٠٠ ئەندامن.
دگەل هەلبژارتنا سەرۆکێ ئەمریکا، هەلبژارتن بۆ ئەندامێن جڤاتا
نوێنەران و بەشەک ژ ئەندامێن جڤاتا پیران هاتە ئەنجامدان، لدویف ئەنجامێن دەسپێکی
ژی، پارتا کۆمارییان کو پارتا دۆنالد ترەمپە، پڕانیا دەنگێن هەردوو جڤاتا بدەستڤە
ئینان.
یا کو پێگەهێ
کۆنگرێسی ل ئەمریکا بهێز کری، ئەو دەستهەلاتەنە کو هەنە بۆ نموونە، هەر پرۆژەیاسایەک
ژلایێ سەرۆکی ڤە بهێتە پێشنیاز کرن، ب دوو لسەر سێیا دەنگێن ئەندامێن جڤاتا
نوینەران و جڤاتا پیران دشێن هەلۆەشینن، لدویف
دووەم بڕگە ماددەیێ ئێکێ یێ دەستورێ ئەمریکا ژی، جڤاتا نوینەران خودانێ تاکە دەستهەلاتە
بۆ لادانا سەرۆکێ ولاتی ژ پۆستێ وی، هەر چ جڤاتا پیرانە ژی، دەستهەلاتا دادگەهی
کرنا سەرۆکی هەیە، دشێت سۆزنامەیێن ناڤدەولەتی ب هەلوەشینیت و بالیۆز و کونسولی ب
پەسەندکرنا جڤاتا پیران دهێنە دیار کرن.
د نها ژی دا ب بدەستڤەئینانا پڕانیا دەنگێن کۆنگرێسی، دشێن وێیەکێ بێژن
کو دۆنالد ترەمپ هەمی دەستهەلاتێن ئەمریکا بۆ چەند سالێن داهاتی هەنە و بێ
دروستبوونا چ ئاریشەیەکێ بۆ وی، ب پشتەڤانیا پڕانیا دەنگێن ئەندامێن کۆنگرێسی،
دشێت دەستهەلاتێن خۆ ل ناڤخۆ و دەرڤەی ئەمریکا بکاربئینیت.