AM:10:46:06/11/2024
368 جار خوێندراوەتەوە
+
-
سەرۆکێ جڤاتا نوینەرێن ئەمریکا ڕاگەهاند، دۆنالد ترەمپ
بوویە سەرۆکێ ئەمریکا و جارەکا دی ژلایێ خەلکی ڤە هاتە هەلبژارتن، دۆنالد ترەمپ ژی
ڕاگەهاند، "وان مەزنترین سەرکەفتن بدەستڤەئینا و نوکە 47ـیەمین سەرۆکێ
ئەمریکایە".
دۆنالد ترەمپی د ئێکەم
گوتارا سەرکەفتنێ دا بۆ پشتەڤانێن خۆ ل ویلایەتا فلۆریدا ڕاگەهاند، سوپاسیا گەلێ
ئەمریکا دکەت کو جارەکا دی دەنگ ب وی دان و وەک سەرۆکێ ولاتی هەلبژارتی.
ئاماژە ب وێ یەکێ ژی کر،
وان سەرکەفتنەکا دیروکی د هەلبژارتنا سەرۆکاتیا ئەمریکا دا بدەستڤەئینایە و سەردەمێ
زێرینێ ئەمریکا دەست پێدکەت.
بەری نها ژی، ئاژانسا
فۆکس نیوز بەلاڤکربوو، لدویف داوی خەملاندنان،ترەمپی
277 دەنگ بدەستڤەئیناینە و وەک 47ـیەمین سەرۆکێ ئەمریکا هاتە هەلبژارتن.
د هەلبژارتنا
چارەنڤیسازا ئەمریکا دا 244 ملیۆن کەسان مافێ دەنگدانێ هەیە و ژ وێ ژمارەیێ ژی
بەری وەخت 80 ملیۆن کەسان ب رێکا پۆستی دەنگ دا.
لدویف سیستەمێ هەلبژارتنێن ئەمریکا، بدەستڤەهاتنا زورینەیا دەنگێن
ئەمریکیان بەشێ سەرکەفتنێ ناکەت، ژبەرکو ئەوا کو ئێکلای دکەت بەدەستڤەئینانا
زۆرینەیا دەنگێ کومەلگەهێن هەلبژارتنێ یە کو ٥٣٨ دەنگن و دڤێت هەر بەربژێرەک
ڕێژەیا ٥٠+١ یا دەنگان بدەستڤەبینیت کو دکەتە ٢٧٠ دەنگ.
ل ٦ ێ هەیفا ئێک یا سالا ٢٠٢٥ ژی کۆنگرێس دێ ل باژیرێ واشنتۆن
کۆمبوونێ کەت بۆ هژمارتنا دەنگێ کومەلگەهێن هەلبژارتنێ و پەسەندکرنا کەسێ
سەرکەفتی، ئاهەنگێن دەستبکاربونا سەرۆکێ نوی ژی دێ ل ٢٠ ێ هەیڤا ئێک یا ٢٠٢٥
بڕێڤەچیت.