PM:08:26:04/11/2024
148 جار خوێندراوەتەوە
+
-
سەرۆک وەزیرێن عێراقێ راگەهاند، تا تەمووزا سالا بهێت هەمی مامەلەیێن
دارایی ل فەرمانگەهێن حکومیێن عێراقێ دێ بنە ئەلیکترۆنی و دێ داویێ ب پارەدانا کاش
ئینین.
ئەڤرۆ دووشەمبی،
نڤیسینگەها محەمەد شیاع سودانی سەرۆک وەزیرێن عێراقێ ڕاگەهاند، سەرۆک وەزیرێن
عێراقێ چەند بڕیارەک بۆ گەشەپێدانا سیستەم و خزمەتگوزایێن پارەدانا ئەلیکترۆنی
دەرکرینە.
سودانی د بڕیارێن خۆ دا داخاز کریە، کار بهێتە کرن بۆ ب بانکیکرنا
مووچەیێ کارمەندێن تایبەت هەڤئاوایی کەرتێ حکومی و هەر ئێک ژ وەزارەتا کار و
کاروبارێن جڤاکی و بەنکا ناڤەندیا عێراقێ، ب پشکداریا هژمارەک ژ سازیێن کەرتێ تایبەت،
ئەرکردار کرینە بۆ بەرهەڤکرنا میکانیزمەکا گونجای بۆ وێ مەرەمێ.
بەحسا وێیەکێ ژیکر، پێدڤیە وەزارەت و هەمی سازیێن حکومەتێ ل مامەلەیێن
خۆ دا دەستبەرداری پارەدانا کاش ببن و پارەدانا ئەلیکترۆنی بکاربئینن.
ئەو یەکژی بەرچاڤکر، بەری ٣١ـی کانونا ئێکێ یا ئەڤسالە هەمی وەزارەت و
سازیێن حکومی پلانەکا رێکخستی پێشکێش دکەن بۆ گۆهرینا ئاوایێ پارەدانێ ژ کاش بۆ ئەلیکترۆنی
و جێبەجێکرنا وان پلانان ژی ل مەها تەمووزێ دێ ب داوی هێن.